05 Oct 2019 03:51

inkhel

Thailand-ah Quartararo a ding hma ber dawn

Fabio Quartararo chu Thailand MotoGP qualifying an tlanah a che tha ber a, pole position a chang a, Marc Marquez chu chesual mah se pathumna a ni ta tho a ni.

Buriram-ah hian Petronas Yamaha rider Fabio Quartararo chu 1:29.719 chhungin a tlan thleng thei a, a aia tlan chak hi an awm lo a. Monster Energy Yamaha rider Maverick Vinales chu pahnihna niin, pathumnaah Marc Marquez chu a awm bawk a ni.

Quartararo hi kum lama la naupang tak ni mahse a chet dan a naupang lo hle a, qualifying bikah phei chuan a che fuh thei riau a, tun tum hi pole position a chan vawi 4-na a ni.

Qualifying-ah hian Fabio Quartararo chuan a duhthawh deuh mah mah a tih theih a, Q2 ah a chesual a. Hetiang deuh bawk hian Marc Marquez pawh thahnem a ngaih luat vangin a chesual ve bawk a, heti chung hian an pahnihin dinhmun tha takah an la ding thei ta tho a ni.

Pathiannia Thailand rama an intlansiak zawhah Spanish rider Marc Marquez hi amah hnaih bertu Andrea Dovizioso aia point 2 aia tama a sang thei a nih chuan world champion a ni thei dawn a. Dovizioso hi Pathianniah chuan 7-na atangin a tlan tan dawn chauh a, heti a nih avang hian Marquez chu champion thei turin a dinhmun a tha viau niin a ngaih theih.

Monster Energy Yamaha rider pakhat zawk Valentino Rossi pawh a chesual ve bawk a, 9-na atangin intlansiak hunah chuan bul a tan ve thei dawn a ni.

Qualifiying result

1. Fabio Quartararo (Petronas Yamaha YZR-M1) 1m 30.404

2. Maverick Viñales (Monster Yamaha YZR-M1) 1m 30.597

3. Franco Morbidelli (Petronas Yamaha YZR-M1) 1m 30.625

4. Jack Miller (Pramac Ducati GP19) 1m 30.698

5. Valentino Rossi (Monster Yamaha YZR-M1) 1m 30.733

6. Marc Marquez (Repsol Honda RC213V) 1m 30.891

7. Aleix Espargaro (Factory Aprilia Gresini RS-GP) 1m 31.007

8. Andrea Dovizioso (Ducati Team GP19) 1m 31.027

9. Joan Mir (Suzuki Ecstar GSX-RR) 1m 31.086

10. Alex Rins (Suzuki Ecstar GSX-RR) 1m 31.094

11. Danilo Petrucci (Ducati Team GP19) 1m 31.115

12. Pol Espargaro (Red Bull KTM Factory RC16) 1m 31.154

13. Cal Crutchlow (LCR Honda RC213V) 1m 30.969

14. Takaaki Nakagami (LCR IDEMITSU Honda RC213V) 1m 31.388

15. Francesco Bagnaia (Pramac Ducati GP18) 1m 31.416

16. Andrea Iannone (Factory Aprilia Gresini RS-GP) 1m 31.428

17. Miguel Oliveira (Red Bull KTM Tech3 RC16) 1m 31.499

18. Tito Rabat (Reale Avintia Ducati GP18) 1m 31.554

19. Jorge Lorenzo (Repsol Honda RC213V) 1m 31.605

20. Karel Abraham (Reale Avintia Ducati GP18) 1m 31.773

21. Mika Kallio (Red Bull KTM Factory RC16) 1m 31.849

22. Hafizh Syahrin (Red Bull KTM Tech3 RC16) 1m 31.979