Tata Yodha 4x4 LPS Pro Fight 2021 Boxrec record September 24, 2022 (Inrinni) zan dar 8:00 Semifinal zan khatna boxrec record an dinhmun leh an inhnek tura tana inbukna neih a ni.
FLYWEIGHT
Laldinsanga (Lunglei, Ramthar) v Joseph Lalremruata (Kulikawn)
Laldinsanga, Lunglei Ramthar, Mizoram kum 19, weight 52.2, height 5'5½", reach 5'7½" - 9863386737
2017 atangin boxing a khel tan a, Mizoramah vawi sarih champion tawhin National-ah best boxer leh best challenger-a thlan a ni tawh. Professional luhchilha sang tak thlen theih a inring a, K Rothangliana (Thingkah) leh Alexis Kawlthangliana (Bethlehem) lakah awlsam taka chakin semifinal a lut a, a tum ang ngeiin boxrec-ah a hming a ziah kai dawn a, a beih tawk a la tawng lo.
Joseph Lalremruata, Kulikawn, Aizawl, Mizoram kum 22, weight 51.6, height 5'3½", reach 5'4" - 9863708728
Pro Fight-ah tawn hriat nei tawh mah se tun tumah seed pek zingah a tel lo. David Ramfangliana (Nausel), Stehen Lalrindika (Ramrikawn, Tanhril), Lalchhuanawma (North Vanlaiphai) leh Vanlalenkawltira (Champhai) hnehin semifinal a lut a, GIG Motors Fighter of the Night-a thlan a ni tawh bawk. A inhnek tawha lian ber tur a hmaah a awm a, Mizo rawlthar boxer zinga tha ber ang hiala ngaih Laldinsanga nen an intawng dawn.
BANTAMWEIGHT
F Zoramchhana (Cherhlun) v David Laldanmawia (Lunglei Ramthar)
F Zoramchhana, Cherhlun, Mizoram kum 23, weight 55.5, height 5'6½", reach 5'7" - 8258864481
India super bantamweight number one ni mekin champion tura rin hlawh a ni a, November-ah Asian title chuh tumin hma lam hun a thlir a, hemi atan tun hi inbuatsaihna pawimawh a ni. Professional huangah vawi thum chakin tum khat a tlawm tawh a, championship kal mekah Lalrohlua (Dinthar) leh Isaac Vanlalnunpuia (Chhippui) hnehin semifinal a lut.
David Laldanmawia, Lunglei Ramthar, Mizoram kum 17, weight 55.1, height 5'9", reach 5'9½" - 6009316436
Mizoram championship hrang hrangah gold medal paruk a hnek chhuak tawh a, championship kal mekah seeded boxer zinga mi niin Johan Ramngaihsanga (Luangmual) leh Ramdinthara (Pangzawl) hnehin boxrec-a hming chuang thei zingah a inhlangkai a, F Zoramchhana hmaah a dinhmun dik tak lantir a hmabak mek.
FEATHERWEIGHT
Yuri Lalbiakdika Sanate (Vaitin) bt Lalmuanpuia (Lunglei Luangmual)
Yuri Lalbiakdika Sanate, Vaitin, Mizoram kum 24, weight 58.6, height 5'5½", reach 5'5½" - 9612131027
2019 Pro Fight title chuh tur zawnna final-ah rilru na takin a tla a, tun tumah eng emaw tal hlawh chhuah ngei a tum ruh hle. Round of 16 atangin a khel tan a, kawng hautak su tlangin Lalramdinliana (Sairang Dinthar) leh Nazareth Lalthazuala (Zemabawk) a hneh a, boxrec-a inziak lut turin semifinal a khel dawn.
Lalmuanpuia, Lunglei Luangmual, Mizoram kum 20, weight 57.2, height 5'5½", reach 5'10" - 6009179415 * SAI atanga inzir chhuak niin state championship-ah medal a la nual tawh a, Pro Fight hi senior huanga amah fiahna pawimawh a ni. Technical knockout-in Laltanliana (Phunchawng) a hneh a, quarterfinal-ah Daniel Lalhriatkima Lallian (Chaltlang Lily Veng) hneh lehin GIG Motors Fighter of the Night-a thlan a ni.
LIGHTWEIGHT
Vanlalawmpuia (Khuangthing) v Stephen Lalramsan Varte (Churachandpur, Manipur)
Vanlalawmpuia, Khuangthing, Mizoram kum 25, weight 63.1, height 5'8", reach 5'9½" - 9856174445
2019 Pro Fight title fight-ah inhnial theih takin a tlawm a, professional luhchilh zuiin vawi li a chak tawh a, tum khat tlawmin vawi khat a inhnehtawk. Tunhnaiah a inhnek tam viau a, Pro Fight title a chuh mek laiin September 15 khan Australia-ah fehchhuakin Ty Telford-a lakah a tlawm a, professional huanga a tlawm hmasak ber a ni nghal bawk.
Hemi hnu hian Pro Fight quarterfinal-ah inhnial theih takin LT Mawia (New Champhai) a hneh hram a, a hmain awlsam takin Thuamrodinga (Ramthar) lakah a chak ve thung.
Stephen Lalramsan, Churachandpur, Manipur kum 19, weight 62.3, height 5'6½", reach 5'8½" - 9612456492
Professional boxing vawi khat a khel tawh a, Pro Fight-ah a champion a nih chuan boxrec-ah chak record vawi hnih a neih belh dawn. Lalruatfela (Saithah) leh Lalnunsanga (Bawngkawn) hnehin semifinal a inhlangkai a, Vanlalawmpuia hmaah fiahna a hmachhawn ang.
WELTERWEIGHT
Bout 196 Zomuansanga (Khatla South) v Lalnunzira (Teirei Forest)
Zomuansanga, Khatla South, Aizawl, Mizoram kum 24, weight 69.6, height 5'8", reach 5'8" - 7005256349
2019 Pro Fight-ah title chuh tur zawnna final a pal tlang zo lo va, Mizoram aiawhin senior national-ah vawi hnih leh youth national-ah vawi hnih a tel tawh. Championship kal mekah Lalramdinmawia (Kawnmawi) leh Laltlanawma (Rangvamual) knockout ve vein a theihna tak tak a la lang chhuak zo lo va, professional boxing luhchilh ngei a duhna tipuitlingin Lanunzira a hneh a nih chuan boxrec-ah chak record neiin a inziak lut dawn a ni.
Lalnunzira, Teirei Forest, Mizoram kum 19, weight 69.8, height 5'9", reach 6' - 9863237447 * Boxing inelnaa a vawi khat telnaah Dalmuansiama (Vaikhawtlang) leh Lalthanzuala (Phulmawi) hnehin semifinal a lut. Boxrec-a hnuhma nei thei turin a dinhmun a siam a, Zomuansanga hmaah official-in professional a luhchilh dawn a ni.