​Taliban-in Messi ngaisangtu naupang thahah an vau

07th December 2018, 01:12PM

Afghanistan-a mipa naupang, Lionel Messi ngaisang em emtu, Murtaza Ahmadi chu hel pawl lar tak Taliban chuan thahah an vau avangin tlanchhiatpui a ni.

Kum 2016 khan Ahmadi hi internet-ah a lar hle a, Messi-a jersey a siam chawp a hakna thlalak chuan football khawvel a dengchhuak a, Qatar-ah Messi hi hmuhpui a ni zui nghe nghe.

Taliban-in an vau avang hian Ahmadi-a leh a chhungte chuan Afghanistan-a an in chu an tlanchhiatsan tih a chhungte chuan an sawi a, south-eatern Ghazni province atanga tlan chhia in, Afghanistan capital Kabul-ah an insuan a ni.

AFP news agency tarlan danin, Ahmadi leh a chhungte hi kum 2016 khan Pakistan-ah an insawna, mahse sum leh pai an nei loh avangin Afghanistan-ah an kir leh niin a sawi.

Ahmadi hi kum sarih mi a ni tawh a, Messi-a jersey a hakna thlalak a lar tirh hian kum nga mi chauh a ni. A thlalak lar hnu hian Messi chuan Ahmadi hi thil thawinin, a thil thawnah hian Messi-a signature awmna jersey a tel nghe nghe.

Kum 2016 khan Ahmadi hi Qatar-ah Messi-a ten friendly match an khelh turah sawm niin, Messi nen hian khelmual chhungah an lut dun. Ahmadi-a nu chuan a fapa an vau chungchang tlem sawiin, "Hel pawh ami mi thenkhat an rawn kal a, ‘In hausa tawh a, Messi-a hnen atanga sum leh pai in hmuh chu min pe rawh u, a nih loh chuan i fapa hi kan la bo ang,” an rawn ti, “ tiin a sawi.

Copyright © inkhel.com 2024. All rights reserved.