MATA buatsaih Instructor Training chu June ni 13, 2015 Inrinni khan Electric veng YMA Hallah zawh fel a ni.

Instructor Training kharna inkhawm hi MATA President Dr.Rualkhuma Colney chuan ahmanpui a. Pu Vanlalsawma MATA Vice President in akaihruai in, Pu Rualkhuman fuihna thu a sawi.

James Lalthangmawia District Child Protection Officer chuan Child 'Protection and its related issues' tih thupui hmangin zirtirna ape a. Instructor training hi June ni 1, 2015 Thawhtanni atanga khan tanin kar hnih chhung uluk taka zirtirna pek an ni a. A bikin hmeichhia te invenna tur hrang hrangte, thusawi dan te, manner leh ethique te zirtir an ni.

Zirchhuakte hi District hrang hrang-ah zirtirna pe chhawng leh turin june ni 15,2015 Thawhtanni atang hian ankal chhuak ang.

Women Self Defence hi India Sawrkar in angai pawimawh hle a, Taekwondo Federation of India(TFI) chuan state tina hma la tura thuchhuah asiam angin MATA hian Club hrang hrang instructor te chu zirtirna a pe ta a ni.

MATA Instructor Training hi 4th Dan Black Belt Pu Vanlalsawma leh Pu Joseph Thansanga ten zirtirna an pe a, district hrang hrang atangin Instructor 41 an tel a, heng zingah hian hmeichhia 11 an tel thei a ni.