10 Jul 2019 12:39

inkhel

Taekwondo Fight League Season 3 tan a ni

July ni 9, Thawhlehni zan khan Electric Veng YMA Hall-ah Taekwondo Fight League (TFL) Season 3 tan ni a, Sports Minister Pu Robert Romawia Royte in a hawng. Zan hmasa ber hian match pathum (3) Hmeichhe team, Cadet leh TFL team ten inelna an nei. July ni 10, Nilaini zanah chhunzawm leh a ni ang.

A hawnna hunah hian Pu VL Sawma Organising Chairman chuan lawmthu sawina a nei a, Cadet & TFL Team Captain theuh te chuan thutiam an neih hnuah Pu Dr Rualkhuma Colney President MATA chuan khuallian Pu Robert Romawia Royte thilpek hlanna a nei zui a ni.

Khuallian Pu Robert Romawia Royte chuan "League buatsaih hi Association tan a hautak hle a, a buaipuitu MATA an fak awm hle. A hlawhtlinna tur atana thawktu zawng zawng te in thawhrah a thlawn lo ang. MATA ten Taekwondo Olympic Vision mumal tak neiin hma anla hi a lawmawm hle a, sawrkar in kan thlawp tlat a ni.

National Games leh khello India-ah medal la phak an awm nual tawh a, Olympic medal hian mizoram rawn thleng ve tawh se a duh awm hle a ni. State games kumin chhungin sorkarin buatsaih a tum a, Taekwondo player te pawh tel ngei turin tanla sauh sauh ula, North East games, National games, Asian gamesleh world Olympic games-ah Taekwondo player ten medal la ngei tur in thlen chin atangin hmasawn zel tur leh TFL League khel player te duhsakna hlan" a ni.

1st Match : Female Fighters President Female Team leh Vice President Female Team te an inhmachhawn a, President Team chuan 42-40 Vice President Team an hneh. Female team te hi Mizoram District hrang hranga chah khawm an ni hlawm a, State, National leh International medalist lo ni tawhte an ni.

2nd Match : Cadet Zopa Goldsmith Chawnpui leh Exodus English School te inelnaah Zopa Goldsmith Chawnpui chuan 151-68 in Exodus English School an sawp.

Zopa Goldsmith Cadet Team Captain Eddie Lalruatsanga hi State medal pawh lo hui nual tawh a ni a, an chakna hnar ber a ni. Coach Doris Lalhmangaihzuali hi TFL Cadet Team-a hmeichhe Coach 2 zinga mi niin player tha tak ni bawkinNational leh International Medalist an kat ve nawk a ni.

3rd match : St.Joseph HSS RSC Fighters leh Armed Veng South Pasaltha te inelnaah Armed Veng South Pasaltha chuan 90-81 in St Joseph HSS RSC Fighters te an hneh.

Armed Veng South Pasaltha te hi TFL 2-a champion puitu Arjun Pande-a chuan a rawn ho a, player an that dan an in rualkhai hle. TFL 1&2 playmaker leh team tichak thintu PMS Dawngliana an neih bakah Lalinpuia leh Palian H.Vanlalfela te an che a hmuhnawm hle a, an chakna hnar an ni.

St.Joseph HSS RSC Fighters te hi 2016 finalist an ni a. An player te erawh mi thar vek ni tawh. Auction player C.Zoramsanga, David Malsawmkima, Lalfakzuala te kawl mahse, hnehna erawh an chang zo lo.

July ni 9, Thawhlehni zan Results
Female Exhibition Match:

1. President Team 42-40 Vice President Team

2. Cadet League:

Zopa Goldsmith Chawnpui 151-68 Exodus English School

Round by Round :
1 - Chawnpui 28-15 Exodus School
2 - Chawnpui 22-20 Exodus School
3 - Chawnpui 30-9 Exodus School
4 - Chawnpui 28-15 Exodus School
5 - Chawnpui 43-9 Exodus School

3. TFL League:
Armed Veng South Pasaltha 90-81 St Joseph HSS RSC Fighters 

Round by Round :
1 - Armed Veng South 25-20 RSC
2 - Armed Veng South 18-17 RSC
3 - Armed Veng South 14-15 RSC
4 - Armed Veng South 12-20 RSC
5 - Armed Veng South 18-5 RSC

Fighter of the Night : H Vanlalfela (Armed Veng South Pasaltha)

July ni 10, Nilaini zan TFL Cadet Match Fixtures
08:00 PM St.Joseph HSS RSC Fighters vs ATA Fighters

July nu 11, Ningani zan Fixtures
08:00 PM pExodus English School Vs Luangmual TC

July ni 10, Nilaini zan TFL Team Match Fixtures
10:00 PM Armed Veng Warriors vs Republic Vengthlang Fighters

July ni 11, Ningani zan Fixtures
10:00 PM Armed Veng South Pasaltha vs Zopa Gold Smith Chawnpui

(adsbygoogle = window.adsbygoogle || []).push({});