11 Jul 2019 11:27

inkhel

​Taekwondo Fight League: Armed Veng Pasaltha an chak

Taekwondo Fight League (TFL) Season 3 chu July ni 11, Ningani zan khan Electric Veng YMA Hall-ah khelh chhunzawm a ni a, TFL team inelnaah Armed Veng South Pasaltha chuan 127-106 in Zopa Gold Smith Chawnpui an hneh a, Fighter of the Night-ah H Vanlalfela, Armed Veng South Pasaltha chu thlan a ni. (12-15 Years) Cadet inelnaah Exodus English School chuan 128-126 in Luangmual TC an hneh. July ni 12, Ningani zanah khelh chhunzawm a ni ang a, Cadet match vawikhat leh TFL match vawikhat a awm ang.

Armed Veng South Pasaltha 127-106 Zopa Goldsmith Chawnpui

Armed Veng South Pasaltha te hi Blue Corner-ah an awm a, an match hmasa berah hnehna an chang tawh bawk. An hmatawngah an Captain H.Vanlalfela an dah an tisual lo hle. Coach Arjuna chuan striker turin Vanlaldinpuia leh Lalduhawma a dah a, Lalduhawma leh PMS Dawngliana te counter attack-ah an che a nalh thei hle bawk.

Red Corner lam Zopa Goldsmith Chawnpui hian an hmatawngah player manto Lalramdinthara Thenzawl leh TFL 2 khel tha zet mai Serchhip tlangval Vanlalfela te striker-ah awm mahse hnehna an chanpui zo lo. Defensive tha TFL 2 Fighter of the Night dawngtu team captain Zohmingthanga leh Lawngtlai tlangval Rohluzuala, Lalramdinpuia, David Lalnunpuia leh F.Lalawmpuia ten beisei an phak lo bawk.

Cadet (12-15 Years)

Exodus English School 128-126 Luangmual Taekwondo Club

Blue corner lam Cadet team zinga chawhruala nuapang ber team Exodus English School Taekwondo Team rawlthar rual te an match hmasa berah chak lo mahse, an insiam tha tih hairual loh in Luangmual Taekwondo Club an hneh. An defender naupang thangduang tak Malsawmdawngliana, Ramhlun Vengthar leh C.Lallawmsanga Armed Veng South chu an chakna hnar an ni. Luangmual Taekwondo Club te hi Club naupang te an ni a, tawnhriat an neih tam lo tih a hriat a, Captain Malsawmtluanga leh Laltluangliana Pachuau te beisei an phak lo. An pumrua a lian a, tharum lamah tha mahse, tawnhriat an neih loh an tuar ta a ni.

July ni 11, Ningani zan TFL Results

Armed Veng South Pasaltha 127-106 Zopa Gold Smith Chawnpui

Round by Round:

R-1: Armed Veng South Pasaltha 21-17 Zopa Gold Smith Chawnpui

R-2: Armed Veng South Pasaltha 33-24 Zopa Gold Smith Chawnpui

R-3: Armed Veng South Pasaltha 27-19 Zopa Gold Smith Chawnpui

R-4: Armed Veng South Pasaltha 19-22 Zopa Gold Smith Chawnpui

R-5: Armed Veng South Pasaltha 27-24 Zopa Gold Smith Chawnpui

July nu 11, Ningani zan Cadet Match (12-15 Years) Results

Exodus English School 128-126 Luangmual TC

Round by Round:

R-1: Exodus English School 17-35 Luangmual TC

R-2: Exodus English School 18-30 Luangmual TC

R-3: Exodus English School 34-16 Luangmual TC

R-4: Exodus English School 26-27 Luangmual TC

R-5: Exodus English School 33-18 Luangmual TC

July ni 12, Zirtawpni zan Cadet Match (12-15 Years) Fixtures

08:00 PM ZopaGold Smith Chawnpui vs Ramhlun Sporting Club

July ni 12, Zirtawpni zan TFL Match Fixtures

09:00 PM St.Joseph HSS RSC Fighter vs Armed Veng Warriors

(adsbygoogle = window.adsbygoogle || []).push({});