10 Jul 2019 11:50

inkhel

Taekwondo Fight League 3: Republic Vengthlang Fighters an chak

July ni 10, Nilaini zan khan Electric Veng YMA Hall-ah Taekwondo Fight League (TFL) Season 3 khelh chhunzawm a ni a, TFL Team-ah Republic Vengthlang Fighters chuan 136-89 in Armed Veng Warrior an hneh. Fight of the Night-ah Samuel Lalnunmawia, Republic Vengthlang Fighters chu thlan a ni.

July ni 11, Ningani zanah khelh chhunzawm a ni ang a, Cadet match vawikhat leh TFL match vawikhat a awm ang.

Armed Veng Warrior 89-136 Republic Vengthlang Fighters

Armed Veng warriors leh Republic Vengthlang Fighters te inkhel chu rin lawk ang ngeiin a hmuhnawm a, an in veng tawn thiam hle. Armed Veng in an player tha 2 an chhuah theih loh avangin beisei an pha lo. Republic Vengthlang hian Johny Vanlalruatsanga bul an tan tir erawh a do let tura Malsawmtluanga an dah chu an ti fuh hle.

Armed Vengin fin rawl an chhuah a, an thiampui pa Vanlalmawipuia chu a lai atangin an nawr tir ve thung a. Mahse lo do lettu a thianpa PC Lalmuanawma'n a dang chat. Point scorer tura rin ten beisei an phak loh laiin beisei phak baka che tha, Thenzawl naupang pahnih Samuel Lalnunmawia leh Lalhmangaihsanga te an langsar a, Republic Vengthlang fighters chakna hnar an ni a tih theih.

Round hmasa ber atangin Republic Vengthlang fighters ten hma an hruai nghal a, Armed veng Warrriors ten leh thal tum viau mahse Republic Vengthlang hian 136 – 89 in an nempil zui ta a ni.

Cadet: St.Joseph HSS RSC Figters 116-100 ATA Electric Veng Fighters

St.Joseph HSS RSC Fighters in ATA Electric Veng Fighters 116-100 in an hneh. St.Joseph HSS RSC te an tha rual hle, ATA Electric Veng player thate langsar lo takin an siam a, Round 1-ah an inheh tawk viau laiin Round 2-3-4-ah RSC lamin an awp tlat avangin ATA Electric Veng lam Round 5-ah tho leh mahse an in chhandam zo ta chuang lo a ni.

July ni 10, Nilaini zan Results

TFL: Armed Veng Warrior 89-136 Republic Vengthlang Fighters

Round by Round:

1. Republic Vengthlang Fighters 25-22 Armed Veng Warrior

2. Republic Vengthlang Fighters 33-11 Armed Veng Warrior

3. Republic Vengthlang Fighters 29-17 Armed Veng Warrior

4. Republic Vengthlang Fighters 28-21 Armed Veng Warrior

5. Republic Vengthlang Fighters 21-18 Armed Veng Warrior

Cadet: St.Joseph HSS RSC Figters 116-100 ATA Electric Veng Fighters

Round by Round:

1. St.Joseph HSS RSC Figters 22-17 ATA Electric Veng Fighters

2. St.Joseph HSS RSC Figters 31-25 ATA Electric Veng Fighters

3. St.Joseph HSS RSC Figters 21-18 ATA Electric Veng Fighters

4. St.Joseph HSS RSC Figters 23-18 ATA Electric Veng Fighters

5. St.Joseph HSS RSC Figters 19-22 ATA Electric Veng Fighters

July nu 11, Ningani zan Fixtures
Cadet Match: 08:00 PM Exodus English School Vs Luangmual TC

 TFL: 09:00 PM Armed Veng South Pasaltha vs Zopa Gold Smith Chawnpui

July ni 12, Zirtawpni zan Fixtures

Cadet Match: 08:00 PM ZopaGold Smith Chawnpui vs Ramhlun Sporting Club

TFL:  09:00 PM St.Joseph HSS RSC Fighter vs Armed Veng Warriors

(adsbygoogle = window.adsbygoogle || []).push({});