10 Jul 2019 11:01

inkhel

Taekwondo Fight League-3 Day 2 Thlirlawkna

St.Joseph HSS RSC Figters Vrs ATA Electric Veng Fighters

July ni 10, Nilaini zan Match hmasa zawk Cadet in fight tur te hi veng lian ve ve, veng chhung support te nei tha ve ve an ni a. St.Joseph HSS RSC Fighter team hian Kolasib international medalist pahnih Lalhriatpuia leh Robert VL Hmangaihsanga an chahchhuak a, hma tawng atana it awm tak Malsawmtluanga, Ramhlun North an nei bawk. Hemi te bakah hian C.Lalhruaitluanga, Vanlalpeka,VL Awmpuia leh Vanlalhriatpuia ten an nei a. St.Joseph HSS leh Ramhlun North khawtlang boruak hriat a nuam leh ngawt ang.

Aizawla Taekwondo tungnungtu Club hmingah pawh Aizawl Taekwondo Academy, Electric Veng hi team chhia an ni ngai lo. Kumin Mizoram Openah pawh Team champion an nih avangin Champion leh ngei an tum ang. International player Samuel B Lalruatfela te, Best fighter lo ni fo pahnih Jonathan F.Lalmingmawia Ramthar leh Armed Veng naupang HK Lalrinchhana te hi an khelh fuh lo viau a nih loh chuan team tan innghahna tlak an ni ang. PC Lalhruaitluanga, Johan Lalchhandama, Lalzarzova leh ZH Lalramthansanga

TFL Dance Battle ; TFL ti hmuhnawm tu pakhat chu lam thiam inelna awm hi a ni. Zanin hian TFL match hnih inkarah Psycho Freaks ten an thiam an entir ve dan bawk a ni.

Armed Veng Warrior Vrs Republic Vengthlang Fighters

Zanin inkhel tur chu a hmuhnawm hle tura ngaih a ni. Blue corner tur Champion lai Armed Veng Warrior hi Champion nawn leh ngei tumin tan an khawh hle a. Tun TFL Team zinga state dang player lei awmchhun an ni. Mahse an Manipur Player lak Chungkham Y.Meitei leh an captain TFL2 fighter of the Night lo la tawh te erawh an 1st match ah an la chhawr thei rih lovang. Heti chung hian innghahna tlak Auction player man to hma tawng tur Vanlalmawipuia an la nei cheu a, Hruang hrau na zet mai Durtlang Leitan tlangval TSK Felan a tlawp that dawn bawk a, huphurhawm tak an la ni a, an hnung dawl turin B.Malsawmzuala, Vanlalthlenga, Palian Lalrinhlua leh Thangtea te an la awm a. An tumpui te an dim hauh lovang le.

He tih lai hian Red corner lam pawh hi team anga thawm zawi tak ni mahse an squad erawh a chhah tha hle. TFL1 leh TFL2 RSC Fighters leh Armed Veng Warriors Champion puitu, Johny Vanlalruatsangan hma a rawn hruai leh dawn a. A hmatiamin a rawn chil leh bian bian dawn a ni tih a chiang. Chutah Champion of Champions title kawllai, Services Team pawhin an hel mek Lalthlamuanpuia, Ke zo em em mai an la nei zui a. A tu zawk zawk pawh hi Striker a dah tlak an ni. An ni pahnih bakah hian player tha zet Kolasib tlangval, SAI player, Lilam atanga an lak PC Lalmuanawma hian khelh fuh loh a nei khat khawp bawk. Tin, Thenzawl rawlthar zuanzang Samuel K.Lalnunmawia, Peter Lalmalsawma leh ZH Lalrammuanpuia ten hnung an dawl thei dawn bawk a. Football an lawm tluk zetin Taekwondo pawh Armed Veng khawtlang pawhin an tuipui ta. Champion lo tura rin chu a har khawp mai.

(adsbygoogle = window.adsbygoogle || []).push({});