08 Nov 2019 07:34

inkhel

Syed Mushtaq Ali trophy: Mumbai-in Mizoram an hneh

Syed Mushtaq Ali trophy khelh mekah Mizoram chu Mumbai nen an inkhel a, Mizoram hi wicket 10 in an chak lo.

Wankhede Stadium-ah Mumbai chuan field hmasak an thlang a, Mizoram chuan an vaw hmasa a. Over 19.3 chhungin Mizoram chuan run 77 an siam a, an vaiin an out vek a. Mumbai off-spinner Siddhesh Lad chuan wicket 5 ngawt a la a ni.

Siddhesh Lad hi batting lama hriat hlawh ve tak mai a ni a, Mizoram lakah chuan bowling lamah pawh a langsar pha hle.

Mumbai hian an vaw ve leh thung a, over 8.1 chhungin run 78 an siam a, an chak nghal der a. Opener Jay Bistaslamming chuan run 54 a vaw chhuak hman a, Aditya Tare pawhin run 22 a siam hman bawk a ni.

Mizoram tan hian Taruwar Kohli chuan run 26 a siam a, Lalhmangaiha chuan run 16 a siam bawk a.

Pacer Tushar Deshpande chuan Mumbai tan hian wicket 2 a la bawk a, Dhawal Kulkarni chuan wicket khat lain Shams Mulani pawhin wicket 1 a la ve bawk a ni.

Jay Bistaslamming chuan ball 24 ah run 54 hi a siam thei a, 4 chu vawi 5 a vua a, 6 pawh vawi 3 chu a vaw bawk a. A kawppui Aditya Tare nen ringawt Mumbai chu an chakpui thei der a ni.

Scores:
Mizoram 77 all out in 19-3 overs (Taruwar Kohli 26, Lalhma Ngaiha 16; Siddesh Lad 5-13) lost to Mumbai 78/0 in 8.1 overs (Jay Bista 54 not out, Aditya Tare 22not out) by 10 wickets