Mizoram Football Association (MFA) leh SPT Sports tangkawp Sunfeast Cup 2015 chu October 17, 2015(Inrinni) khan Final khelh a ni a. Under 16-ah Ramhlun South FC te an champion a. Under 13-ah MFA Grassroot an champion ve bawk.
Under 16 leh Under 13 ah hian Champion team hian Rs 12,000/- Trophy leh Medal an dawng a, Pahnihna hian Rs 80,00/- Trophy leh Medal an dawng ve bawk a ni.
Top Scorrer, Best Goalkeeper leh Best Coach thlan an ni a, Top Scorrer leh Best Goalkeeper hian Rs 2500/- Trophy leh Medal dawngin, Best Coach hian Medal an dawng thung.
Under 16 final-ah Ramhlun South FC leh MFA Grassroot te in tumin, hun pangaiah 2-2 a an in hneh tawk hnuin, penalty shootout-a chak zawk zawn a ni a, Ramhlun South FC chuan hnehna changin, Sunfeast Cup Champion an ni a, Rs 12,000/- Trophy leh Medal an dawng.
Under 16 Top Scorer : Lalthansanga
Top Scorer-ah hian goal 6 khung tu Lalthansanga Ramhlun South FC chu thlan a ni a, Best Goalkeeper-ah Lalhmunmawia Gideon Academy, Sihphir chu thlan ni ve bawkin, Rs 2500/- Trophy leh Medal an dawng ve ve bawk, Best Coach-ah Malsawmfela Ramhlun South FC chu thlan a ni a, Medal a dawng a ni.
Under 13 inkhelah MFA Grassroot chuan an khingpui Remrem FC, Ramhlun Vengthar chu si hnih fai a hnehin, an champion a, Rs 12,000/- Trophy leh Medal an dawng ve bawk.
Under 13 Best Goalkeeper : B.Zothanmawia
Top Scorer-ah goal 8 khungtu Lalrempuia Hmar MFA Grassroot chu thlan a ni a, Best Goalkeeper-ah B Zothanmawia Remrem FC Ramhlun Vengthar Chu thlan ni bawkin, an ni hian Rs 2500/- Trophy leh Medal an dawng ve ve a. Best Coach-ah Lalhlimpuia (Tat-a) Grassroot Coach chu thlan a ni a, Medal a dawng thung a ni.
Under 13 Top Scorer : Lalrempuia Hmar