Mizoram Football Association leh SPT Sports tang kawp chuan, October 12-17, 2015 chhung hian Aizawlah kum 13 hnuai lam leh kum 16 hnuai lam football-a inelna, Sunfeast Cup a buatsaih dawn.
Under 13 hi July 1, 2002 hnu lama piang an ni tur a ni a, Under 16 hi July 1, 1999 hnu lama piang an ni tur a ni. Team tinah mi 16 zel an awm thei a, club, school leh pawl hming pawha tel theih a ni.
A tel duhte chuan tel dilna lehkha ziakin MFA Office, City Park-ah office hun chhungin thehluh tur a ni a, October 2 thleng thehluh theih a ni. Team tel thei zat an tam loh avangin tel duhna lehkha thehluh a nih hunah tournament-a tel thei tur hi a pawha pawh a ni ang a, chuta pawh fuhte chuan entry fee Rs 200/- inkhelh hmaa pek leh tur a ni.
SPT Sports lamin lawmman tha tak tak an siam dawn a; Mizoram mai ni lo Assam, Meghalaya, Manipur leh Arunachal Pradesh-ah pawh Sunfeast Cup hi buatsaih a ni ang.