01 Sep 2015 04:17

Inkhel

Mizo Sports Website hmasa ber

Sunderland ah Borini a lut fel ta

Sunderland chuan Liverpool striker Fabio Borini chu £10m in an lalut fel ta tih BBC Sport chuan a tarlang.

July 2012 khan Reds boss Brendan Rodgers hian £11m sengin Roma atangin Italy international hi a laluta, Liverpool tan vawi 38 a inlanah goal 3 a thun ve hman a ni.

2013-14 season khan Sunderland ah hian loanin a lo khel char char tawha, 32 appearances ah goal 7 thunin khatih hunlai khan Stadium of Light a inben bel a lo hnar tawh a ni.

Kum 24 a upa Borini hi Inter Milan, Fiorentina leh Watford te chuan an lo beisei ve reng tawh bawka, an dawrna te Liverpool chuan a lo hnawlsak tawh a. Watford hian Borini manah £7m thehchhuak ngamin, Inter erawhin £6m an thehchhuak ngam thung.

Serie A side Fiorentina pawh lo lang ve bawk mahse Sunderland pan chu Borini hian a thlang ta zawk a, a man atan Sunderland hian £8m an pe phawt dawn nia sawi a ni bawk.