14 Feb 2020 10:54

bakteaJr.

Mizo tlangval

Sum vanga Dortmund zawm ka ni lo: Haaland

Tunlai rawlthar zinga goal khung thei bera chhal ngam Erling Haaland chuan Manchester United aia Borussia Dortmund a zawm chhan chu sum vang a nih loh thu a sawi.

Haaland-a agent Mino Raiola chuan Haaland lak luh tum club 12 lai an awm thu a lo sawi tawha, heng zingah hian Manchester United pawh an tel ngeia ngaih ni mahse Haaland hian January thla  ni 1 khan Dortmund hi a zawm fel ta zawk.

Chanchinbu mite chuan Haaland hian United-ah hlawh a phut san lutuk avangin United hian Haaland hi an bansan ta niin an tarlanga, mahse hei hi Haaland chuan thu dik lo hulhual a nih thu a sawi.

Sum vanga United hnar a nih leh nih loh chunchang zawhna chhangin kum 19 mi chuan, “A teuh lo. Heti anga ziak thin te hi an la insawi fiah a ngai dawna, kan intawng fuh a nih chuan ka bulah ngei an insawi fiah a ngai ang.

“Heti anga ka chanchin an ziak hi ka nuih a za zawka, min hrechiang tu te hian eng ang mi nge ka nih an hrechianga, chuvang chuan chanchinbua ka chungchang an ziah dan hi a nuihzathlak. Season a zawh khan ka pa nen kan titi a, chu tih lai chuan Dortmund hi a lam ri lo hrim hrim a mahse keimah khan ka zawt ta a, a tha a tih thu leh kan la hriat zel tur thu min hrilh.

“A hnu khan Dortmund kha duhthlan tur zingah an tel ta hlawl a, ka ngaih pawh a tha hle a, ka lam atang chuan engkim kha a awlsam phian. Football khelh kha nuam ka ti em em a, season chawhma a zawh thleng bak kha ka inhnamhnawih tam lo. A nihna takah chuan ka transfer chungchangah hian ka thu a awm vak lova, ka tana club tha tur ber thlan kha kan tum ber chu a ni mai,” a ti.