24 May 2015 04:52

digimalt

​Sum tam nen Qatar lamah Van Persie kal maithei

Manchester United striker kum 31 mi chu United-in contract thar an zawrh leh dawn nge dawn lo a la chian tak tak hmain Qatari club Lekhwiya chuan sum tam tak pek tiamin England atanga lakchhuah an tum dawn.

Kum 30 ral a lo kai ve ta a, Football-ah chuan senior a ni chho ta reng mai. Van Gaal hian Holland striker hi chelh a tum dawn nge dawn lo hriat a la ni si lova, chutih laiin a football hun hnuhnung Van persie hian a hmang chho mek tih a inhre ve ngei ang, he sawmna hi hnar harsa tak a ni ngei dawn niin a lang.

Lekhwiya hi Swansea manager hlui Michael Laudrup-a enkawl a ni a, kum khat chhunga £6m vel hlawh turin United atangin £18million vela lakchhuah an tum dawn niin Mirror chuan a tarlang. Van Persie hian kum khat chiah United-ah contract a nei tawh a, kar khat chhungin £220,000 lai a hlawh. Chutih laiin tun season hian inhliam vangin game a khel tam lo, hlawh hnem em em siin tha a thawh tlem hle.

Turkey club Fenerbahce leh Galatasaray te pawhin hlawh tam tak pek tiamin Van Persie hi an rim ve reng. The Sun in a tarlan dan chuan tun ningani liamta khan Van Persie hian a agent Kees Vos chu a hma lam hun a sawipui a, tun zirtawpni khan Man Utd boss chuan Van Persie chungchang an zawhna chu lo nghak lawk turin media te a ti a nih kha.