Barcelona chu sum lamah an la buai chhunzawm zel a, 2024-24 season thar inhawn hma hian player 9 emaw vel chu an ziah luh theih loh a rinawm niin The Athletic chuan a tarlang.

Player ziah luh theih loh avanga harsatna hi nipui bazar liamta pahnihah khan an lo tawng tawh a, tunah pawh chu harsatna chuan a la tuam chhunzawm zel.

The Athletic-in a tarlan dan chuan, La Liga Salary Cap avangin Barcelona hian player 9 lai an ziak lut thei dawn lo.

Tun nipui bazar inhawn lai hian  €130m emaw vel tal sum an thawkchhuak a nih loh chuan player 9 emaw vel an ziak lut thei dawn lo. Hei vang hian eng tin tin emaw sum an tuak a ngai dawn.

Investor te an koh luh a ngai maithei a, a nih loh pawhin an player thenkhat an hralh mai a ngai dawn niin The Athletic chuan a tarlang a ni.