Juventus mi thar Germany international Sami Khedira chuan Juventus chu sum vanga pan a nih loh thu a sawi.

Sum tam zawk um vanga The Old Lady a pan anga sawi a awm chuan a nuih a tihzat thu Khedira chuan sawiin, Juventus ka zawm hi a mawi lohna ka hre lo tiin a sawi bawk.

German World Cup winner Khedira hian Real Madrid a a contract a hman zawh tawh avangin man awm lovin Juventus hi a zawma, Juve ah hian kum li daih contract a ziak a ni. Season hnih liamta atang khan Khedira hian Real Madrid ah khelhna hmun a chang tam lo hle a, season liamta La Liga ah ngat phei chuan vawi thum chiah start-na hun a chang a ni.

Real Madrid khan contract tha tak tak pawh min zawrh renga, tuna Juventus-a ka contract ai pawha tha zawk a awm hial. Chuti chung chuan ka chhuahsana, sum ka um lo a ni tiin Khedira chuan a sawi bawk.

Ka advisor Jörg Neubauer hnenah tihian ka sawia, "change" ka duh a ni tiin. Engpawh nise Real Madrid a kum nga ka hman ral ta te kha kum tha tak an ni e tiin Khedira chuan a sawi.