11 Aug 2019 04:55

inkhel

Subroto Cup khel turin NCC Mizoram team an in peih

August ni 30, 2019 atanga New Delhi a khelh tur Under 17 NCC Mizoram hmeichhe team te hun rei tak chhung an inbuatsaih hnuah August ni 12, Thawhtanniah Aizawl an chhuahsan ang. Mizoram NCC team hi New Delhi hmuna DG NCC camp-ah an inkulh dawn a, players 16 leh Officials 4 an kal ang.

Mizoram team hi Lalrintluanga Tlau(Saitea) chuan a ho dawn a ni. NCC Mizoram team hi 2nd Bn, Assam Rifle ten an buaipui a ni.

NCC team hi August 9, Pathianni chawhnu  dar 3:30 khan AR Lammualah thlahna hun hman a ni a, Major Gen Bibin Bakshi VSM, NER Directorate chuan Shillong atangin a rawn tlawh a, players leh official te nen hun an hmang ho a, players leh Official te thil pek hlanna hun a nei zui nghal a, Mizoram team sponsored tu SBI leh Central Bank of India atangin an rawn tel bawk. 

NCC players te hian tum dang aiin infiamna bungrua an dawng tha a, player pakhat dawn hi sum faia chhut chuan cheng sing chuang man vek a ni.Tin, semi final an luh chuan Rs 5,000/-theuh an dawng bawk ang.

Coach Saitea chuan NCC hotute chungah ka lawm takzet a, ka chungah rinna an nghat ngam hi mimal tak pawhin ka lawm, hmasawnna ka ngah takzet. Kan naute an inpekna ka fak takzet a, an theihtawp an chhuah thin. Players chhungte, nu leh pa te chungah min support na zawng zawngah lawmthu ka sawi a ni. 

MFA hruaitute kan chungah an tha hle a, kan harsatna min hriatsakin min pui thin, an ni vanga tun dinhmun thleng hi ka ni tih ka hria a, ka lawm a ni.Theihtawp kan chhuah dawn a, Mizoram hming ti mawitu nih ngei kan tum ang a ti.

(adsbygoogle = window.adsbygoogle || []).push({});