Barcelona chuan La Liga chawi mai an in 'ready' ta hle a, Table-a a mawngphah a awm mek Cordoba sawp hrepin MSN te an che na lehpek hle. Barcelona hian goal 8 zet thunin relegate mai hmabak Cordoba an dim lo hle.

Estadio Nuevo Arcangel-ah Cordoba in Barca lo mikhualin, 1st half ah erawh Cordoba an tang khawng rei viau. Nimahse, Minute 42 anih meuh chuan Messi magic an dawl zo lo, Messi ball tha tak pek hmangin Rakitic in goal nalh tak thunin, Suarez in a thun chhunzawm a, he mi hnu 2nd half ah hian goal a lut mawlh mawlh ta a ni.

Lionel Messi hian he inkhel ah hian goal 2 thunin, Suarez in hattrick a siam bawk a, Neymar(pen), Pique leh Rakitic ten goal 1 theuh an thun bawk. Lionel Messi hian La Liga Season kal mekah assist vawi 18 nei mekin Goal 40 a thun a Top Scorer leh assist nei hnem ber a ni mek. Barca hi Europe League lian zual zinga Hattrick vawi 8 siam thei awmchhun team anni ta bawk. MSN dal zo reng an awm lo.

Match 3 khelh tur an la nei a, tun ah hian Madrid hi point 5 in an tlansan mek na a, Madrid hian match 1 in an la khel tlem a, Barca tana tlema an Champion na kawng ti thuanawm thei tur chu Away-a Atletico Madrid an hmachhawn tur hi a ni ngei ang; Match hnuhnung ber a an hmachhawn tur Atletico laka an tlawm si chuan Real hi an la champion daih thei a ni. Hei vang tak hian Nomawi chawi tur chuan an tan mar a ngai dawn hle niin a lang.

He inkhel ah hian Cordoba hian kawng engkim ah Barca hi an khan lo a, an um dawr dawr reng a ni deuh ber mai. Table-a a mawngphah a awm leh a chung ber a awm te an intum bawk a, Players Quality pawh a inthlau hle. Messi pawh a vanneih Ni ni ngat se chu goal a thun lehpek nual dawn niin a lang; a pet out tak te, a tauh luh teuh em em te kha a ui ve ngei ang le. Tin, Hattrick siamna chance tha neiin Neymar chu penalty pet atan a kian bawk a, a khel chhelo lehpek hle. UCL-ah khelh tur hmabak an la nei a, Copa Del Rey leh League-ah tlem hmabak an la nei a, A 3 in champion thei vek an la ni bawk a, an tan mar pat a ngai dawn ta.