Liverpool striker Daniel Sturridge chuan a khel bawr (hip) hliamin zai a mamawh leh mamawh loh endik tir turin United States a pan.

English striker hian March thlaa Manchester United an hnehloh hnu khan game hnih chiah ala khel a, tun season chu hliamin a tlakbuak deuh reng.

US-ah hian Boston-a awm orthopaedic surgeon Dr. Peter Asnis a rawn dawn a, Asnis hi Baseball team Boston Red Sox-ah pawh lo thawk tawh thin a ni.

Kum 25 mi Sturridge hian season hmasa khan goal 24 a khung a, Premier League-ah Liverpool pahnihna a nihpui bawk. Tun season-ah erawh a vanduai a, hliamin a hun pum a tibuai a ni deuh ber.

Nikum September thla khan malpui hliam vangin a buai tan a, October thlaah an training laiin a chawn bawrah hliam a nei leh a November thlaah a malpui bawk hliam lehin kumin January ni 31 hma kha chuan vawikhat mah a inkhel leh lo.

Liverpool hi Premier League-ah pangana an ni mek a, khelh hmabak game li an la nei.