Manchester United chuan Liverpool forward Raheem Sterling chu lakluh tum in hma an la niin Telegraph lam chuan an tarlang.

Liverpool lam ve thung hian tun thlengin contract thar ziak duhlo Strerling chu hralh an tum loh bur thu an sawi a, mahse club lian tak tak hel tu an tam chho tawh khawp mai.

Manchester United tan hian sum lamah harsatna awmlo mahse club pahnih te hi inhal ve tak an nih avangin Sterling berkher hi chu an tan lakluh a harsa viau maithei a ni.

Club pahnih te hian transfer chungchangah thawhdunna tha an neilo dun hle a, Manchester United atanga Liverpool a direct a lut hnuhnungber chu Phil Chisnall niin kum 1964 daih tawh a thil thleng kha a ni a, hemi hnu hian Old Trafford atanga Liverpool pan hi player tumah an awm leh tawh ngailo.

Hetiang bawk hia Anfield atanga Old Trafford pan hnuhnungber chu Allenby Chilton niin kum 1938 daih tawh a thil thleng a ni a, a ni hnuah hian tumah Liverpool atanga Manchester United a lut an awm leh tawh ngailo a ni.

Paul Ince leh Michael Owen te kha Liverpool leh Man Utd tan a khel kawp ni mahse club dang an zawm kual hnu a kal chauh an ni a, club inhal tak an nih avangin kum 2007 ah te khan Gabriel Heinze kha Man Utd in Liverpool a hralh an tum lo bur a, court thleng a buaina nei chho in United khan Liverpool hnen a player hralh chu an club kalphung a nih loh thu an lo sawi tawh a ni.