31 Mar 2015 07:02

Inkhel

Mizo Sports Website hmasa ber

Sterling-a contract thar ziah duh loh Arsenal in remchang ah la dawn

Arsenal boss Arsene Wenger chuan England winger Raheem Sterling lakluh a tum dawn niin thu a thang mek.

Anfield a contract pawtsei duh lova awm mek Sterling dinhmun chu Wenger a'n remchanga lo lak tumin, a player ngainat zawng tak a nih avang bawkin lakluh ngei a tum dawn nia sawi a ni.

Tha zawka a inkhelh theihna tura ngaiin kum 20 a upa Sterling hian nipui hma contract a ziah belh duh hrih lova, Liverpool erawhin contract a ziak duh lo chhunzawm mai ang tih an hlau hle.

Arsenal chiah Sterling ngaihven tu an ni bik lova, Real Madrid, Bayern Munich leh Manchester City te pawh sawi tel an ni ve bawk. Wenger hian nikum December khan Sterling chu England player ropui berte zinga mi tiin a lo sawi tawh a ni.

Tuna a contract kal laiah hian Sterling hian kum hnih daih a la neia, kar khatah £35,000 a hlawh bawk. £90,000 bawr vel hlawh pha tawh turin Liverpool hian an thlem ve mek bawk a ni.

Kum 10 mi chauh a nih lai khan Arsenal hian Stering hi lakluh an lo tum ve reng tawh a, kum 5 mi a nih laia Jamaica atanga London pan a ni bawka, London club lian tana khelh chu a tan pawha thil chakawm tak a nih Arsenal chuan an beisei mek a ni.

Sumah Arsenal an buai a rinawm lova, tin, Walcott pawh thehchhuah an hnial a rinawm lo bawk. Liverpool hian Walcott an iai ngailo bawka sawi a ni thin a, Sterling leh Walcott te hian club an inthleng lovang tih a sawi theih miah ta loh.