State Instructor Seminar khar a ni.

02nd August 2015, 08:08PM

Mizoram Amateur Taekwondo Association buatsaih 10th State Level Taekwondo Instructor Seminar chu August ni 1, 2015 Inrinni khan Ramhlun North Community hall-ah Pu Thangchungnunga Sport Promotion Officer, MSSC chuan a khar.

Pu Thangchungnunga  chuan," infiamna hi hriselna a nih bakah kan hnathawh ang ang hlawh chhuahna a ni a. A thianghlim a, sportsmen spirit tha hi nei vek ila, kan ramah corruption leh kut tling lova sum lak luh duhna hi a tlem theih ka ring a, hriselna hi kan hnam damna a ni," tiin a sawi.

Pu F Laltanpuia (Vice President MATA) chuan he inkhawm tawite hi kaihruaiin, MATA Technical secretary Pu C.Malsawmtluanga chuan seminar leh training report a pe a, Pu F.Thangtinliana Fin.Secretary MATA chuan seminar nei thei tur a MATA-te inpekna leh thawh hona a that avanga lawmawm a tih thu a sawi bawk.

MATA President  Dr. Rualkhuma Colney pawhin thusawiin natna thenkhat hi chu exercise kan lak tlem vang a nih thu leh thahnemngai taka training hi mahni mai nilo, ram tana rawngbawlna a nih zia a sawi bawk.

Instructor seminar training hi July ni 27, 2015 Thawhtanni atang khan tan a ni a. Naupang kaihhruaina atana pawimawh hrang hrang te, Taekwondo basic, self defence, etiquette leh naupang laka hleilenna laka invenna turte zirhona neih a ni. MATA mithiam tak tak Pu R.Lalchhandama, Pu Joseph Thansanga(SYS) leh Pu Vanlalsawma ten an zirtir a, District hrang hrang atangin instructor 33 an tel thei a, Hmeichhia 8 leh mipa 25 ten tha takin an zo a ni.

Copyright © inkhel.com 2024. All rights reserved.