Tottenham manager Ange Postecoglou chuan an forward Richarlison chu a inhliam avangin thla khat vel a chawlh a ngai dawn tih a sawi.

Inrinni hmasa khan Tottenham chuan Premier League inkhelah Wolves mikhualin, 2-1 in Tottenham hi an tlawm a, he inkhelah hian Richarlison inkhel bul tan mah se a inhliam a, 71mins-a lak chhuah a ni.

Richarlison hi kar thum atanga kar li chhung vel a chawlh a ngai dawn a, ani bakah hian Predro Porro leh Ryan Sessegnon te pawh an inhliam a, Sessegnon bik hi tun kar khan a hamstring zai a ni a, tun season-ah a inkhel thei tawh dawn lo.

Richarlison hian tun season-ah Tottenham tan Premier League game 22 khel tawhin goal 10 a khung tawh a, season tirah che tha lo mah se tun hnaiah a che tha hle a, a goal 10 atanga goal 9 te hi a game hnuhnung 10-a a khung an ni.

Kum 2022 khan kum 26 mi hian Everton atangin Tottenham a pan a, Tottenham hian a manah add ons zawng zawng nen pound maktaduai 60 lai an seng a, Richarlison hian Tottenham a zawm hnuah competition hrang hrangah game 60 khel tawhin goal 14 a khung tawh a ni.