17 Oct 2020 02:12

bakteaJr.

Mizo tlangval

​Spurs defender thar Rodon

Tottenham chuan domestic transfer deadline day-ah defender thar an laluta, Welsh club Swansea atangin Joe Rodon an lei.

Tottenham hian Welsh defender Rodon manah hian pound maktaduai 11 an senga, add-ons nen chuan a man hi pound maktaduai 15 vel kai chho thei tura ngaih a ni.

Kum 22 mi Rodon hi Tottenham hian kum 2025 June thla thleng contract an ziahpuia, jersey no.14 a ha ang.

Tarlan fo tawh angin transfer window pangngai tawp tawh mahse, nimin October ni 16 thleng khan EFL club te leh Premier League club te an la indawr theia, Premier League club te erawh an indawr tawn thei tawh lo.

Tottenham hian tun nipui bazar chhungin an tlarhnung thawm that nan player pathuma an laluta, Rodon bakah hian Matt Doherty leh Sergio Reguilon te an lalut bawk.

6ft 4’-a sang Rodon ho Swansea academy chhuak a ni a, Cheltenham Town-ah loan a khelh tawh bak chu club dang tan a la khel lova, Wales tan vawi 7 a inlan tawh bawk a ni.