Marseille leh Tottenham te chu Pierre-Emile Hojbjerg chungchangah an inrem ta a, reilote chhungin an inla fel mai tawh dawn niin The Athletic chuan a tarlang.

Denmark international man chungchangah hian Marseille leh Spurs te chu €20million (£16.8m) in an inrem a, tum anga thil a kal a nih chuan Hojbjerg hian kum 4 hnuah Tottenham a chhuahsan dawn ta tihna a ni.

Kum 28 mi hian kum 2020 khan Southampton atangin Tottenham hi a zawm a, tunah hian Spurs-ah kum khat chiah contract a nei tawh a, an chhiarna zata ngamtu an awm a nih chuan Spurs hian chhuahtir an hnial lo a, Marseille an rawn lang ta a ni.

Hojbjerg hi Tottenham player tangkai tak ni thin a ni a, mahse Ange Postecoglou an lak luh hnuah erawh Pape Matar Sarr , Yves Bissouma leh Rodrigo Bentancur te chu a nek chhuak zo ta lo a, a luh ve chang pawhin bench atangin a lut tlangpui bawk.