Spurs an tlang; Inter an tla thung

12th December 2018, 02:12PM

Champions League group B inkhel hnuhnung berah chak ngei ngei mamawh anga ngaih Tottenham chuan Camp Nou-ah Barcelona an luhkhunga, chak zo lo mahse group B inkhel dangah Inter Milan-in PSV Eindhoven an hneh zawh loh ve bawk avangin Tottenham chuan Champions League knock-out stage an lut a, Inter Milan erawhin Europa League an khel chhunzawm dawn thung.

Barcelona hian 7mins-ah hma an hruai a, 85mins thleng hma hruaiin 85mins-ah hian Tottenham tan Lucas Moura chuan goal a khunga, inkhel hi 1-1 in a tawp. Inter Milan hian San Siro-ah PSV an lo mikhual a, hneh ngei tura ngaih an nih laiin an mualah Inter hi an chak zo lova team hnihte hi 1-1 tho vin an inhnehtawk. Khual mualah PSV hian hma an hruai hmasa a, hun rei tak hma an hruai hnuah Inter captain Mauri Icardi chuan an si phurh a sut a, 1-1 in inkhel a tawp.

Sawilan angin PSV hian hma an hruai hmasa a, 13mins-ah Hirving Lozano chuan goal khungin, 73mins-ah Argentine striker Icardi chuan inter si phurh a sut. Group B-ah hian Spurs leh Inter hian point inang chiah an nei a, an pahnih hian head-to-head hmanga buk niin Spurs an chungnung zawka, Inter hian San Siro-ah group B point box PSV an hneh zawh loh man an tel a tih loh theih loh.

Khelh rukna khelh a nih hma hian Inter chan a tha zawk hle a ngaih a ni a, Spurs nen an point inang mahse Spurs hian Barca chu Camp Nou-a an tlawh dawn avangin chan chhe zawk an chang. Inter erawh anmahni mualah khelh nga atanga point khat chiah hlawhchhuak thei PSV an lo mikhual dawn a, chak ngei tura ngaih ni mahse an game hnuhnung berah goal khat theuh khunga an inhnehtawk tak vek avangin Spurs an vannei a, an tlang ta a ni.

Copyright © inkhel.com 2024. All rights reserved.