16 Sep 2020 01:54

bakteaJr.

Mizo tlangval

​Spurs-a kir duh Bale

Real Madrid player Gareth Bale chuan chanchin a nei zui zela, a club hlui Tottenham nen sawizawm a ni mek.

Gareth Bale hian tun thla tir lam khan Premier League-a kir lehna chance a neih phawt chuan kir leh a hreh loh thu a lo sawi tawha, Premier League club te nen sawizawm a ni nghal.

Real hian an player zinga hlawh hnem ber Bale hi chhuah tir dan an ngaihtuah meka, a chhuahna tur a nih chuan a hlawh chanve zet pawh tum zel an inhuam niin sawi a ni.

Bale hian a club hlui Tottenham-a kir leh a duh niin sawi a in a, a agent-te pawhin Tottenham an be pawp tan tawh tih chanchinbu mite chuan an tarlanga, Real Madrid erawh eng club Bale-a chungchangah inremna an la neihpui lo tih tarlan tel a ni.

Tottenham leh Real te hi defender Sergio Reguilon chungchangah an indawr mek a, Bale-a chungchangah pawh an indawr zui mai lovang tih a sawi theih lova, kum 31 mi hi North London lamah a kir lovang tih pawh a sawi theih loh.

Bale-a agent te hian Premier League club dang pawh an bia nia sawi a ni a, Manchester United pawh Jadon Sancho laka an beidawn chuan Bale-a lam an hawi dawn niin chanchinbu mite chuan an tarlang a ni.