Prakash Padukone chu Nilaithawhtan khan Mumbai khawpuia Sportstar Aces award semnaah Lifetime Achievement Award an hlan a. He hunah hian Virat Kohli, Jasprit Bumrah leh Smriti Mandhana te chu cricket bikah a langsar berte an ni.
Sportstar Aces award hi 1994 atanga 2003 inkar khan kum tin an sem ziah a, India rama mumal taka sports magazine chhuak hmasa ber Sportstar kum 40 tlin denchhenin kuminah an sem leh a ni.
Badminton legend Prakash Padukone chu Indian shuttler zinga world number 1 ni thei hmasa ber a ni a, Indian badminton star zingah chuan All England Championships title la thei hmasa ber a ni bawk a, 1980 khan All England champion hi a lo ni daih tawh a. Lifetime Achievement award hi India cricket captain hlui Sunil Gavaskar chuan a hlan a, chawimawina pek pah hian a mi ngaihsan em em thin Padukone hnena chawimawina a hlan thei chu chang sang a intih thu a sawi a ni.
India cricket captain ni mek Virat Kohli bakah Indian bowler tha Jasprit Bumrah te chuan Sportsman of the Year (Cricket) chawimawina an dawng dun a, ICC Women’s Cricketer of the Year 2018 chawimawina dawngtu Smriti Mandhana chu Sportswoman of the Year (Cricket) atan an thlang bawk a ni.
India football team captain Sunil Chhetri chuan Sportsman of the Year (Other Team Sports) chawimawina a dawng a, Sportswoman of the Year (Other Team Sports) chawimawina chu hockey player Gurjit Kaur chuan a dawng a ni.
Boxer ropui MC Mary Kom pawhin chawimawina dawngin, Sportswoman of the Year (Other Individual Sport) a dawng a, PV Sindhu, Manika Batra, A Sharath Kamal, Bajrang Punia, Neeraj Chopra, Hima Das, KP Aravind, Manu Bhaker, Saurabh Chaudhary leh Deepa Malik te pawhin chawimawina chi hrang hrang an dawng bawk a ni.
Award jury zingah hian Sunil Gavaskar bakah MM Somaiya, Anju Bobby George, Anjali Bhagawat, journalist N Ram, Viswanathan Anand, Gagan Narang leh Mithali Raj te an tel a ni.
(adsbygoogle = window.adsbygoogle || []).push({});
Sportstar Aces winners:
Lifetime Achievement Award: Prakash Padukone
Chairman’s Choice Special Recognition Award: Cheteshwar Pujara
Sportsman of the Year (Cricket): Virat Kohli and Jasprit Bumrah
Sportswoman of the Year (Cricket): Smriti Mandhana
Sportsman of the Year (Other Team Sport): Sunil Chhetri
Sportswoman of the Year (Other Team Sport): Gurjit Kaur
Sportsman of the Year (Racquet Sport): A Sharath Kamal
Sportswoman of the Year (Racquet Sport): PV Sindhu and Manika Batra
Sportsman of the Year (Other Individual Sport): Bajrang Punia
Sportswoman of the Year (Other Individual Sport): MC Mary Kom
Sportsman of the Year (Olympic Sport): Neeraj Chopra
Sportswoman of the Year (Olympic Sport): Hima Das
Sportsperson of the Year (Motorsport): KP Aravind
Young Athlete of the Year (Male): Saurabh Chaudhary
Young Athlete of the Year (Female): Manu Bhaker
Para-Athlete Sportsman of the Year: Manoj Sarkar and Suyash Jadhav
Para-Athlete Sportswoman of the Year: Deepa Malik
Team of the Year: Vidarbha Cricket Team
Coach of the Year: Massimo Costantini (Table Tennis)
Best State for Promotion of Sports: Odisha