27 Oct 2020 02:45

inkhel

Speed Kicking Championship Vanlalmawipuia'n Gold Medal a la

Ni 23-25 October 2020 chhunga Phillipine Taekwondo Association buatsaih 2020 Smart/MVP Sports Foundation Global Taekwondo Online Speed Kicking Championship neih zawh takah Vanlalmawipuian senior Light weight ah Gold Medal a dawng.

Sports Minister Pu Robert Romawia Royte chuan chanchin a hriat veleh lawmpuina thu thawn nghalin Mizoram mai ni lo India ram pum huap pawha chhuanawm, khawvel inelna sang zawka BER nihna a hauh theih chu chhuan tlak a ni a ti a. Dan dinglai angin sawrkar in hamthatna a pek tur angte chu ngaihtuah sak ngei a tum thu leh hmasawn lehzual theihna turin Sponsorship pawh zawn sak a in huam thu a sawi bawk.

Khawvel huap speed kicking inelna hi COVID-19 hrileng avanga inelna pangai buatsaih theih anih loh avanga mahni ram leh inlum atang inelna an duanchhuah apakhat ani a.

He inelna hi minute 3 chhung chawl lova Pet dan chi hrang hrang leh hnek te rang taka chetkual pui tur ani a. Technique har leh hmang dik, rang bawk si kha thlanchhuah an ni thin ani.

Venghnuai tlangval Mawipuia hi Mizoram aiawhin National inelnaah pawh vawi tam tak a lo chhuak tawh thin a. Mizo te ngaihhlut Taekwondo Fight League -3, nikum 2019 a neihah khan fighter of the night atan thlan a niin league puma Best fighter atan an lo thlang tawh bawk a. Tin, Mizoram Taekwondo Fighter tha zawng zawng tena an inchuh thin Champion of Champions Title kawl mektu a ni bawk a ni.

Global Speed Kicking Championship ah hian Lunglei naupang 2 Ruthi Lalneihlui, (Junior Feather weight) leh F.Lalrokima, (Junior Fly weight) te pawh India aiawh hian an tel a, amaherawhchu chanchin ziah lai hian an result kan hre hman takin ta lo ani.

Global Speed kicking Championship ah hi age group Cadet, Junior leh Senior a then aniin age group tin hian category 10 theuh a nei bawk. India hian Gold 17, silver 16, Bronze 17 laiin medal 49 lai an hui a. A pumpuiah a buatsaihtu Phillipine Medal 115 laiin Pakhatna an ni a, India chu Pahnihna niin South Korea in an rawn dawt bawk.

Top 10 Team ranking

1. Phillipine

2. India

3. South Korea

4. USA

5. Canada

6. Goam

7. Macau

8. Japan

9. Iran

10. Nepal

MATA.Infor.

(adsbygoogle = window.adsbygoogle || []).push({});