Spanish Super Cup final-ah Madrid club pahnih Real Madrid leh Atletico Madrid-te an inhmachhawna, hun pangngaiah chak zawk an awm loh hnuin Real Madrid chu penalty shoot-out ah 4-1 in an chaka, Super Cup nomawi an chawi.

Saudi Arabia-ah Super Cup hi khelh a ni a, mi sing ruk chuang lenna King Abdullah Sport City Stadium-ah khelh niin, hun pangngaiah goal khung thei an awm lova, Entra-Time khelh niin, goal khung thei an awm loh zel avangin penalty shoot-out hmang hian chak zawk zawn a ni.

Inkhel hmuhnawm tak a ni hran lova, goal chance pawh team hnihte’n an insiam tam lova, goal hmaah an hlauhawm tawk lo ve ve. First half-ah Atletico forward pahnih Alvaro Morata leh Joao Felix-te chuan chance tha nei mahse goal-ah an chan tir thei lo ve ve a, Real player Fede Valverde pawhin chance tha neiin Luka Jovic-a ball pek chu lo tauh tum mahse a banah a fuh.

Extra-Time khelh a ni a, hun tawp lamah Real player Valverde chuan Morata a tih tluk avangin hnawhchhuah a ni a, player 10-in Real hian inkhel an tlingtla. Penalty shoot-out ah Real lam an che tha hle a, captain Sergio Ramos chuan Real chakna goal khungin, Real goalkeeper Thibaut Courtois pawh a che tha a, Thomas Partey-a pet a save tha hle.

Shoot-out ah hian Real tan Dani Carvalho, Rodrygo, Luka Modric leh Ramos-te chuan petin tu mahin an hlah lova, Atletico tan Saul Niguez leh Thomas Partey-te chuan hlahtin Kieran Trippier chuan a khung ve thung a ni.

Real Madrid 0-0 Atletico Madrid (4-1 penalty shoot-out)

Red Card: Valderde 115’ (Real Madrid)

Player Ratings

Real Madrid: Courtois 8, Carvajal 6, Varane 6, Ramos 5, Mendy 7, Casemiro 7, Valverde 5, Modric 5, Isco 5, Kroos 7, Jovic 6. Subs - Mariano 4, Vinicius 4, Rodrygo 5.

Atletico Madrid: Oblak 6, Trippier 7, Felipe 7, Gimenez 6, Lodi 5, Thomas 6, Saul 5, Morata 5, Felix 6, Herrera 5, Correa 5. Subs - Arias 4, Llorente 4, Vitolo 5, Savic 5.