Spanish Grand Prix tlan zawh takah British driver Lewis Hamilton chu a chungnung bera, pakhatna niin, point 37-in hma a hruai fal tawh.

Hamilton hi a career-ah vawi 88 a chakna niin, Spanish GP-ah hian a tyre lamah buaina a nei lova, tihian Hamilton hi Grand Prix-ah podium vawi 156 a chang ta a, Michael Schumacher-a record a khum chiaha, podium chang ngun ber record thar a siam.

Mercedes hian Spanish GP hma chiaha race pahnihah an tyre lamah buaina an tawk ve ve a, hemi hma chiah race-ah pawh pakhatna an lo nih loh phah tawha, mahse tun tumah erawh harsatna an tawk lo.

Spanish GP-ah hian race hmasa zawka chak Red Bull lam driver Max Verstappen chu pahnihnaah a awm a, Hamilton-a team mate Valtteri Bottas chu pathumnaah a awm thung.

Palinaah Racing Point lam Lance Stroll a awma, panganaah Racing Point driver dang Sergio Perez a awm ve bawk.

Hamilton hi hneh takin Spanish GP-ah hian a chaka, pahnihnaa awm Verstappen aiin second 24 laiin a thleng hmasa zawk a ni.

Spanish GP result: