26 Mar 2020 01:15

bakteaJr.

Mizo tlangval

​Spanish FA-in club-te €500m a puk tir dawn

Spain-a football thuneitu sang ber Spanish FA chuan season khailak avanga sum lama club harsatna tawk mekte tanpui nan euro maktaduai 500 (pound maktaduai 457.43) an dah hran thu an puang.

Coronavirus avangin Europe-a football league hrang hrangte chu tunah hian an chawl thup a, thla khat dawn chawlh ni tawhin a rei lo berah thla khat dang an chawlh a la ngai dawn chianga, La Liga lam phei chu tiam chin awm lovin season kal lai mek chu tihtawp lailawk a ni.

Season a khailak avangin club-te chuan match-day a sum an hmuh tur ang ang an la lut thei lo tihna a ni a, club-te zawk tan phei chuan hei hi harsatna liantham tak a tlinga, player te chu hlawh tih hniam tir club hrang hrangin an tum mek nghe nghe.

Spanish FA chuan La Liga bakah league hniam zawk Segunda Division team-te chuan an player hlawhte an pek theih ngei nan sum a dah hrang dawna, hei hian kawng tam takin club te zawkte harsatna a sutkian ngei a beiseiawm. Spanish FA hian professional club nilo tan pawh euro maktaduai 4 (pound maktaduai 3.6) an dah hrang tawha, kawng hrang hrangah harsatna sutkian tumin hma an la mek.

Spanish FA-a an president Luis Rubiales chuan, “Kawng engkimah ngai kan awh chhoh leh thuai kan beiseia, harsatna hrang hrang te hi theihtawp chhuahin sutkian kan tum mek. Ngenna ka siam duh chu, inlungrual ila, beiseina nei tlat ila, invawng ila inkawl tha ila tih leh thuneitu te thu zawm that hi a pawimawh a ni tih hi hria ila, kan tanrual chuan he hripui hi kan hneh ngei ang,” a ti.