​Spain-a bike intlansiaknaa tel tur Lalhruaizela

03rd September 2017, 04:09AM

Harsatna hrang hrang karah MiMSA hruaitute inpekna avangin June ni 10, 2017 khan Aizawlah Road to Rookie Cup & Gixxer Cup Selection Round neih a nih kha kan la hre reng ang chu.

Kan lo beisei ruk, mahse kan beisei ngam chiah loh chu a takin a thleng chho ta. Mizo rider Lalhruaizela chu India atanga rider thlan zingah a tel a, Road to MotoGP ticket a nei ta ran mai le, Spain-ah intlansiak a hmachhawn dawn ta a ni.

Vawiin khan 20th JK Tyre FMSCI National Racing Championship 2017 neih niin, hetah hian kum 15 mi Lalhruaizela hi pahnihna a ni a, Mizo rider tho Lalnunsanga pawh che tha hle mahse Lalhruaizela hi a phak ta lova, hmasawnna kawnga kan chung en phai lam ho chuan hetiang em ema Mizo ten bike an khalh thiam hi mak an ti hle nghe nghe a ni.

Event results kimchang :

Euro JK 17

Race One (15 laps): 1. Ricky Capo (14:38.598); 2. Akash Gowda (14:42.998); 3. Nayan S Chatterjee 14:43.310

Race Two (15 laps): 1. Anindith Reddy (15:48.387); 2. Akash Gowda (15:53.491); 3. Ashwin Datta (15:54.314)

LGB Formula 4 (15 laps)

1. Chittesh Mandody, Avalanche Racing (20:07.784); 2. Rohit Khanna, Dark Don Racing (20:08.610); 3. Vishnu Prasad ,MSport (20:08.744)

Gixxer Cup (10 laps)

1. Joseph Mattew (14:17.037); 2. Malsawmdawngliana (14:17.043); 3. Lalmawipuia (14:20.633)

Red Bull Rookie Cup

1. Jaden Gunawardena (11:36.318); 2. Lalhruaizela (11:39.108); 3. Lalnunsanga (11:39.768)

Copyright © inkhel.com 2024. All rights reserved.