England squad-ah Harry Maguire a tel chhunzawm zel dawn nge dawn lo tih, England manager chuan a sawi chiang duh lo.

Manchester United captain hian tun season-ah lawm a hlawh vak lo a, a khel tha lo bawk a, Erik ten Hag chuan a chhawr tam lo hle. 2022/23  season chhungin Premier League-ah starting XI vawi 7 chiah a la chang a ni.

A dam that pawhin Ten Hag chuan a aiah left back Luke Shaw chu Centre Back-ah a chhawr zawk thin, inkhelhna hun a chan tlem avang leh a khelh that vak loh avangin Southgate chuan a ko chhunzawm ang em? tih zawhna a lian hle. 

Tunkar hian Maguire chu England team-ah koh a ni phawt a, tun season-a Manchester City tana starting XI vawi 1 chiah la chang Kalvin Phillips pawh koh tel a ni. Squad a puanna press conference-ah player pahnihte a koh tel chhan hi Southgate chu zawh a ni.

"Kan duh emaw duh lo emaw, hetiang hun hi a thlen theih tawh loh hun a awm dawn. Kan koh chhunzawm theih loh hun a tleng dawn. Kalvin Phillips hi kan tan player pawimawh tak a ni a, amah ang player hi an tam lo.

"Defence-ah na na na chuan koh phu tak koh loh  Alexander-Arnold pawh a awm a,  season tawp lamah Liverpool tan  a khel tha hle. 

"Alexander-Arnold  nen pawh kan inkar  a tha a, game chungchang pawh kan sawi dun tam. A theihna pawh ka hre reng a, mahse Walker aiin a vannei lo a nimai. Ka hmuh danah right-back-ah chuan tunhnaiah a khel tha berin ka hria,"tiin Southgate chuan a sawi.

Southgate hian Maguire hi a hnuchhawn tan mek nia ngaih a ni a, an khingpuitur te an that vak loh avangin hun tha a pe ve leh mai mai nia ngai an tam bawk.