Southampton chuan Portugal defender Cedric Soares chu Sporting Lisbon atangin £4.7m bawr vel sengin an lei fel ta. Soares hian kum li chhung Southampton tana khel turin contract a ziak a ni.

Soares hi kum 23 a upa a ni a, Spain forward Juanmi chuan Malaga atangin Southampton hi tunkar khan a lo pan ve tawha, tihian Saints hian tun nipui transfer ah player pahnih lai an lalut fel der tawh a ni.

Saints executive director of football Les Reed chuan player tha tak pahnih kan lalut thei a, Europe leh Premier League a hmasawn zel chu kan tum a ni tiin a sawi.

October 2014 khan Portuegese full back Soares hian ram tana a game hmasa ber a khela, ram tan vawiinni thleng tum li a feh chhuak ve tawh bawk.

Kumin May thla khan Lisbon chu Portuguese Cup a chawipuia, finalah red card hmuin a team-mate te si hnih fai ngawta Braga laka an hniam hnuin an come-back leh thei hlauh a ni.

Southampton hi season liamta ah khan 7-na an ni a, Europa League ah 3rd qualifying round atangin an khel ve tan dawn a ni.

Soares chuan," Hma kan sawn deuh deuh dawna ka rin avangin he club hi ka zawm a, Premier League hi league tha tak a ni a, a tha ber a ni hial maithei. He league khel ve theia ka awm tur hi nuam ka ti hle," tiin a sawi.