Spanish international Asier Illarramendi chuan Real Madrid atangin £11.8m (€16m) bawr velin Real Sociedad a zawm fel ta.
2010-13 inkar khan Illarra hian Real Sociedad tan a lo khel ve tawha, game 54 ah inlan hmanin 2013 khan Real Madrid a zawma, Madrid tan game vawi 90 lai khel ve leh hmanin goal 3 a khung hman thung.
12 July 2013 a Illara-a'n Madrid 32.2 million euro a a zawm khan kum ruk daih contract a ziaka, club in Spanish player tana sum an thehchhuah hnem ber tum a la ni bawk.
Season hmasa khan Illarra hian interception vawi 42 zet neiin Real midfielder zingah a nei hnem bera, complete pass/90mins vawi 64.08 nei bawkin Madrid player zingah a nei hnem ber bawk.
Kum 25 a upa Illarra chuan Sociedad a kir leh chu a tum ber a nih thu sawiin, a tun dinhmunah a hlim tawk em em thu a sawi bawk.
Boss thar Rafa Benitez-a hnuaiah Illarra hi a tla na tawh vak lo nia ngaih a ni a, Ancelotti hunlai pawh khan chhawr a hlawh tam tam lo hle.
Kan hnena a cham chhunga inpe zo tak leh "professional" taka a chet avang khan Illarra chungah kan lawm hle a, a kal lehzelna turah duhsakna kan hlan bawk e tiin Madrid chuan thuchhuah an siam ve bawk.
Official Announcement: Real Madrid and Real Sociedad have agreed the transfer of the player Asier Illarramendi. pic.twitter.com/k116ya0qHi
— Real Madrid C.F. (@realmadriden) August 26, 2015
(adsbygoogle = window.adsbygoogle || []).push({});