Blues boss Jose Mourinho chuan Premier League title vawi 13 lo la tawhtu Sir Alex Ferguson a record chu khum mai mai theih a nih loh thu a sawi.

Mourinho hian Premier League title vawi thum a lakna nimin mai khan a tawnga, ram hrang pali ah te title vawi riat a lakna a ni ta bawk. Kalkawng thui tak zawh tur ka la neia, Sir Alex hian a ti har lehzual khawp mai tiin Mourinho chuan a sawi.

1992-3 season a Sir Alex a'n United tana title a lakpui hmasak ber khan kum 51 mi a ni tawha, Mourinho hi tunah kum 52 ni mekin Premier League title 3 a la tawh thung. BT Sport ah Mourinho chuan championship 13 chu ka lak theih ka ring, 8 lai ka la ve tawh alawm. Amaherawhchu Premier League title 13 erawh a teuh lo mai tiin a sawi.

Hetih lai hian Terry chuan a hunah tak inkhelh hi ka chawlhsan mai turah ka ngai. Tunah rih chuan chawlh a hun ka la ti lo ve, trophy lak belh zel ka la tum a ni tiin a sawi. Terry hian Chelsea tan trophy 16 lai a chawi tawh a ni.