Sir Alex-a'n inkhelh dawn tepah Beckham lu meh tir

26th February 2015, 05:02PM

"Dressing Room-ah kan awm a, match nei turin darkar khat vel a la awm. Ka lu meh dan Sir Alex-a'n a hmuh chuan 'met tha rawh' min tia, a tirah chuan 'aih' ka tia, a hmel a rawn danglam nghal a, toilet-ah chuan ka va met ta a," tiin Beckham chuan 2000 Chartity Schield-a Chelsea an hmachhawn dawna an boruak a sawi chhuak.

Beckham hian a sam chu Mohawk Style-in a ti a, hetia a luh meh dan Sir Alex-a'n a hmuh chuan a lungawi lo hle a, a meh luih tir ta a ni. England captain lo ni tawh thin hian Sir Alex Ferguson-a team enkawl dan strict a tih thu a sawi chhuak bawk a.

Beckham chuan,"Club a ngaipawimawh ber a, player zawng zawng chu professional taka che turin a duh a. Wembley-ah kher kan khel bawk si laia khatia ka lo khawsa kha a duh lo hle a ni," tiin Graham Norton Show-ah a sawi.

Beckham leh Sir Alex-a inkar hi Football khawvelah chuan chanchin ngaihnawm tak a ni a, khatia Man Utd atanga hnawhchhuah a nih dan chungchang velah pawh tun hnuah engmah inhuatna an neih loh thu a sawi tel bawk a.

Beckham chuan,"Khang thil kha a hunlai chuan boruak chhe tak a ni chiang mai. Mahse kum tam tak pa ang maia ka en a ni a. Ka club hmangaihah ka naupan lai atangin min lalut a, ka hlawhtlin theih nan a theih tawp ka tan a chhuah.

"Ka mi zah em em a nih ziah tawhna chhan tur pakhat chu ka duhthusam ram Man Utd-a khelh theihna hun min siam sak vang a ni. Mahse ka thlawn ta hlawl a, kha thil chungchang kha kan sawi dun leh tawh lo. Kan inmil loh dan kha nasa tak a ni. Mahse tun thleng hian ka la zah em em a, ka manager a nih vang mai ni lovin, ka suangtuahna ram a taka chantir tur a nih avangin tun thleng hian ka la zah em em a ni," tiin a sawi.

Copyright © inkhel.com 2024. All rights reserved.