Atletico Madrid coach Diego Simeone chuan a hnampui Lionel Messi chu khawvela ball pet thiam ber a nih thu sawiin Cristiano Ronaldo el phak rual loh a nih thu a sawi bawk.

Simeone chuan Messi chungchang a sawi zawm zata, World Cup a chawi leh chawi lohin a ropuina a hril kher loh tih sawiin Argentine television channel TyC ah Messi chu no 1 a ni a, amah el pha pakhat mah tunlai football khawvelah an awm lo tiin a sawi bawk.

Maradona nena an khaikhinna ah erawh sawi tur a tam thu sawiin pakhat sawi kan ringawt a fuh ber lo fo a. Hun leh position hrang ve ve a khel an ni a, Messi hi chu shooter a ni deuh bera, Maradona erawh mual chhung khawiah pawh a tlan kual thung tiin Simeone chuan a sawi bawk.

A club career a a hun tam zawk Italian club Napoli tana hmang Diego Maradona hian Argentina national team tan tum 91 khelin goal 34 a khunga, 1982, 1986, 1990, 1994 World Cup ah te khan a zawnin match 21 lai a khela, 1990 World Cup ah khan vawi 50 zet fouled a ni a, World Cup tournament pakhata tih tluk ngun ber record a siam nghe nghe.

Barca star Lionel Andrés "Leo" Messi Cuccittini erawh ram tan Maradona aiin a feh chhuak hnem tawha, tum 99 feh chhuak tawhin (June 17 2015 thlenga chhutin), goal 46 lai a khung tawh thung.