Nikum lam atang tawh khan Bernardo Silva chu transfer news luahtu zinga mi a ni ve, Barcelona lamin lak an tum thu te media lamin an tarlang thin.

Hemi chungchangah hian Pep Guardiola chuan thil nih dan dik tak a sawi.

"Barcelona hian Bernardo Silva hi phone pawhin an la be lo. Kum khat emaw vel chhung chu transfer chungchangah titi a awm.

"Chutih laiin tumahin lak chhuah tumin an la be lo. City-a a cham zel ka beisei a, ani hi kan innghahna a ni.

"Mi dang player lak chhuah i tum chuan, phone tal pawhin i be ngei ang. Mahse chutiang chu Bernardo Silva chungchangah hian a thleng lo a ni," tiin Pep Guardiola chuan a sawi.