Sikkim Invitational Basketball Tournament-ah Mizoram Senior Basketball team an champion

04th October 2016, 08:10PM

September ni 30 atanga October ni 3 khan Gangtok-ah Sikkim Invitational basketball Tournament  championship khelh a ni a,  He Tournament-ah hian  senior Mipa team 12 an tel a, team 9 chu Sikkim state atanga tel an ni a, abak West Bengal, Darjeeling leh Mizoram atangin team pakhat theuh an tel bawk a ni.

Final lut turin Mizoram team hian Kolkata team Metro an hneh a, tunkar thawhtanni tlaia final-ah Green Reapers, Sikkim chu 64 - 45 a hnehin an champion.

Final-ah hian Indian football star thin Bhaichung Bhutia chu khuallian a ni a, he championship hi a thlengtu Gangtok khaw mipuiten an hlut hle. Mizoram team hi LB Associates-in an sponsored a, team jersey The Y2Goal Agencies chuan an tumsak bawk.

- Pub & Orga. Committee, MBBA

(adsbygoogle = window.adsbygoogle || []).push({});

Copyright © inkhel.com 2024. All rights reserved.