Kum 2003 Krismas leh kum thar inkar ațanga neih țan Sialkhawpui Thlasik Ual Kap chu December 31, 2019 khan Sialsuk G&SA Playground ah Final khelh a ni a, Final ah hian Robert Lalnunpuia Football Club chuan 3-1 a Sialsuk Under 17 F.C te hnehin Champion nomawi an chawi a ni. Team 12 telna Sialkhawpui Thlasik Ual Kap 2019 hi December 27, 2019 ațang khan khelh a ni a, Pu Robert Romawia Royte (Minister Sports & Youth Affairs) leh Pu Lalnghinglova Hmar (Hon. Secretary, Mizoram Football Association) te chuan a hmunah an rawn enpui bawk.

Games & Sports Association, Sialsuk buatsaih Sialkhawpui Thlasik Ual Kap Final ni hian Sialsuk Veteran Exhibition Match leh Pi Lalremi Memorial Volleyball Tournament Final khelh a ni bawk a. Veteran Exhibition match ah hian Sialsuk khuaa Football Club hlun ni țhin Rebecca Partei Football Club leh D&S Football Club te inkhelin D&S Football Club hian 1-0 in hnehna an chang a ni.

Pi Lalremi Memorial Volleyball Tournament hi December 21, 2019 ațang khan khelh țan tawh a ni a, Team 15 lutin Final ah hian Lamchhip G&SA Volleyball Club hian 3-1 (Set) in F. Lalramhluna Memorial (Hmuifang) te an hneh a, Champion nomawi an chawi bawk.

Lawmman leh a behbawm:

SIALKHAWPUI THLASIK UAL KAP 2019

• Champion - Robert Lalnunpuia F.C (₹ 8,000 + Trophy)

• Runners Up - Sialsuk Under 17 F.C (₹ 4,000 + Trophy)

• Best Player - Zirhnehsanga (Robert Lalnunpuia F.C) - ₹ 1,000 + Certificate

• Top Scorer - Lalroțhuama (Sialsuk U-17 F.C) - ₹ 1,000 + Certificate

• Best Defender - Lalrinchhana (Sialsuk U-17 F.C) - ₹ 1,000

• Best Goalkeeper - Isaac Lalruatpuia (Robert Lalnunpuia F.C) - ₹ 1,000

• Best Young Player - Lalnunkima (Sialsuk U-17 F.C) - ₹ 1,000

PI LALREMI MEMORIAL VOLLEYBALL TOURNAMENT 2019

• Champion - Lamchhip G&SA (₹ 3,000 + Trophy)

• Runners Up - F. Lalramhluna Memorial (Hmuifang) - ₹ 2,000

• Best Spiker - Lalramnghaka (Lamchhip G&SA) - ₹ 1,000

• Best Setter - Malsawmzuala (Lamchhip G&SA) - ₹ 500

- Reporter: Thangtea, Secretary G&SA, Sialsuk