11 Mar 2019 03:59

inkhel

Siaha leh Kolasib ten Semifinal an lut

MFA Inter District 14th Sub Junior Football Championship chu March 11, Thawhtanni khan Serchhip Sport Complex-ah khelh chhunzawm a ni. Group A-ah Siaha DFA leh Kolasib DFA ten semifinal an lut chiang tawh a, March ni 12, Thawhlehniah Group B inkhel vawi hnih a awm leh ang a, semifinal lut a hriat ang.

Inkhel hmasa zawk Group A Siaha DFA chuan Sam Beithapatlo Tlapyu goal khat hmangin Kolasib DFA an hneh a, point 7 neiin group leader ni chungin semifinal an lut.

Inkhel hnuhnungah Champhai DFA chuan 3-2 in Mamit DFA hneh mahse an tan semifinal luhna kawng a inhawng tawh lo.

March ni 12, Thawhlehni Group B legaue match khelh zawh a ni ang a, chawhnu dar 12:30-ah Aizawl leh Lawngtlai an inhmachhawn ang a, dar 2:30-ah Lunglei leh Serchhip an inhmachhawn leh bawk ang.

March 11, Thawhtanni Group A Results

12:30 PM Kolasib DFA 0-1 Siaha DFA

(Sam Beithapatlo Tlapyu 11')

2:30 PM Champhai DFA 3-2 Mamit DFA

(VLMS Dawngkima 3', Lalremsanga Tuallawt 30', VL Malsawmtluanga(OG) 52') (Ngursangzela 24', Jeptha Lalnuntama 55')

March 12, Thawhlehni Group B Fixtures

12:30 PM - Aizawl vs Lawngtlai

2:30 PM - Lunglei vs Serchhip

(adsbygoogle = window.adsbygoogle || []).push({});