​Si hnih faiin Chhinga Veng FC-in Mizoram Police FC an hneh

29th September 2018, 02:09AM

Champion lai Chhinga Veng FC chuan si hnih faiin Mizoram Police FC an hneh a, September ni 28, 2018-a match-ah Chhinga Veng FC tan MS Dawngliana chuan goal hnih a khung a, man of the match atan thlan a ni bawk.

Mizoram Police FC hian Bethlehem Vengthlang FC hnehin Electric Veng FC leh Aizawl FC an hneh lo a, Ramhlun North FC an hneh hnuah Chhinga Veng FC lakah an tlawm leh a, khelh tawhah point 6 an hlawhchhuak mek.

Chhinga Veng FC hian Chawnpui FC, Bethlehem Vengthlang FC leh Ramhlun North FC hnehin Aizawl FC an draw a, Mizoram Police FC lehin title humhim turin hma an sawn chho zel a, khelh tawhah point 13 neiin table-ah pahnihna an ni mek a ni.

Mizoram Police FC 0-2 Chhinga Veng FC

(MS Dawngliana 84', 90+5')

MoM: MS Dawngliana, Chhinga Veng FC

Goal hnihte hi second half hun tawp dawn tak taka lut ve ve an ni a, hun tawp dawn 84 mins-ah mual dinglam sir atanga Sawmzela ball vawrh tha tak chu box chhunga awm Dawngtea chuan goal-ah a chantir. Added time-ah Dawntea bawk chuan Chhinga Veng FC goal hnihna a khung leh.

Mizoram Police FC-in an siphurh rulh tumin theih tawpin an nawr, mahse an chesual, Chhinga Veng FC goalkeeper T. Mawia ball vawrh tha zet chu Dawngte chuan box chhungah a um lut, hei hi goal-ah a chantir, hun a tawp chhunzawm a, si hnih faiin Chhinga Veng FC chuan hnehna an chang ta a ni.

Inkhelh chhung zawngin Chhinga Veng FC an chungnung zawk a, First half-ah Rammawia, Tluanga leh Romawia te an khel tha hle a, goal an khung lo chauh zawk. Tin, Dinpuia ball vawrh tha zet pawh Dawngtea'n goal-ah a chantir teuh hle bawk. Mizoram Police FC tan Valpuia leh Fakzuala te pawhin chance hlauhawm tak tak an insiam bawk a.

Second half-ah game a dul deuh, hun tawp dawn tak taka Chhinga Veng FC in an nawr tlang ta chauh a, Police lam an insiam tha hman ta lo, an siphurh rulh tuma hma an lak laiin Chhinga Veng FC lamin an chhu zui leh bawk si a, goal awm lova inkhel zo thei ni mahse Chhinga Veng C-in player class tha tak tak an kawl an chhawr tangkai ta a ni.

Second half-ah goal hlauhawm tam lo a, Chhinga Veng FC chuan nawr nghalin Dawngtea, Romawia leh Tluangtea ten hunawl an insi thei bik lo a, Mizoram Police FC pawhin nawr let ve bawkin F. Lalrinpuia (Valpuia), Biaktea leh Fakzuala ten hunawl an nei thei bik lo. Goal lut awmlo in khelmual an chhuahsan dawn emaw tih hnu huntawp dawn minute 85-ah leh Injury time-ah Chhinga Veng FC chuan goal hnih an khung a, goal hmasa zawk hi mual dinglam sir a tang a Sawmzela ball vawrh luh tha zet chu MS Dawngliana (Dawngtea) chuan mawi tak a pet lutin an hnahruaina khung hnuah Keeper T. Mawia ball vawrh luh tha zet chu Dawngtea chuan box-ah lalutin an goal hnihna a khung zui leh bawk.

Copyright © inkhel.com 2024. All rights reserved.