Sheikh Jassim bin Hamad Al Thani chuan  a vawi 5-na atan Manchester United-ah bid  a theh lut.

Hei hi a bid theh luh hnuhnung ber tur a ni a, a bak chu a inrawlh tawh dawn lo. A bid theh luh hi Manchester United 100% a neitu nihna tur a ni a, club leh local community tan a hranin fund a ruahhman thlap bakah United ba zawng zawng a rulhsak dawn.

Sir Jim Ratcliffe-a Group Ineos pawhin Manchester United lei tumin tan an la chhunzawm zel bawk.

Manchester United hian bank-ah leh transfer neuh neuhah £969.6m bawr vel ba an nei niin Figures chuan an tarlang a, tuna club neitu ni lai mek Glazer family chuan November thla khan United hi an zuar tan.

Bid theh luh hun hi April ni 28 khan a tawp tawh avangin Glazer family lam atangin chhan letna a la dawng lem lo a, Ineos camp lam chuan an neih theih an inring tawh hle bawk. 

Ratcliffe hian Manchester United chu 50% vel lei a tum a, an zawrh chin hi 69% niin, a lei ngam chin hi a tlem fe zawk a, co-chairmen Joel leh Avram Glazer pawh an inrawlh beisei a ni. Mahse Glazer family-in thutawp an siam hun tur hi thuchiang engmah a la awm lo.