01 Aug 2020 10:15

bakteaJr.

Mizo tlangval

​Sheffield Wednesday point 12 paih sak an ni

Championship club Sheffield Wednesday chu English Football League (EFL) profitability leh sustainability dan te an bawhchhiat avangin point 12 paih sak an ni.

Wednesday point paih hi season thar Championship table-a hman tur a ni dawna, season tawpa an point hlawhchhuah zat atangin point 12 lai paihsak an ni dawna, game li chak lo sa ang an ni a tih theih awm e.

Wednesday hian thuneitu sang zawk hnenah an khin let ngei a rinawma, mahse an club neitu Thai sumdawng hausa Dejphon Chansiri chuan thuchhuah chiang zawk a la ngaichang nia sawi a ni.

Season khelh zawh takah khan Wednesday hi 16-naah awmin, relegation zone atangin point 8 chiahin an sanga, tun season khelh zawha takah khan he hremna hi kenkawh tur ni ta se chuan Wednesday hi an tla dawn tihna a ni.

Tun season-ah he hremna hi kenkawh ni ta se chuan Wednesday hi Charlton aiah Wigan leh Hull City te nen an relegate dawn tihna a ni a, hemi avang hian Charlton chuan EFL hi khin ve an tum mek bawk a ni.