Premier League club Leicester City chuan Thailand-ah tour neiin, hetah hian an player pathum Tom Hopper, Adam Smith leh James Pearson te chuan sex tape lo siam chu niin, an khawsak pui Thai nulate chu hmusit takin an la tawng khum bawk a.

Leicester City chuan heng player pathumte hian ngaihdam dil mahse an thil tih chu ngaihdam mai chi a ni lo tih an hriat avangin an pathum chuan an contract an tihtawp sak a, club atangin an ban ta a ni.

Tom Hopper, 21, leh Adam Smith, 22 te hi chuan first team-ah hmun an la chang lo hrim hrim a, hetih lai hian James Pearson erawh Leicester City first team tan a inlan tawh a, Leicester City manager Nigel Pearson-a fapa a ni nghe nghe.

May thla khan Leicester City chuan club neitu Thai Billionaire Srivaddhanaprabha te khua tlawhin tour an nei a, Bangkok hotel-ah player pathumte hian Thai nula an lo khawsak pui a, tawngkam mawi lo tak tak hmangin Thai nulate chu an ko vel a, an tawngkam hman zinga khawchhak lamin an huat deuh "Mit zim" tih an hmang kher kher chu hnam inhmuhsitna lam a nih avangin Leicester City FC a ti lungawi lo leh zual a ni.

Heng player pathumte hian Thai nula an khawsak pui lai video chu an thiante an thawn darh a, heta tang hian hriat chhuah a ni ta a ni. Thailand atangin May thla tawp khan an thawh hawng nghal a, club chuan investigation a nei nghal char char a,Heng player pathumte hian ngaihdam dil nasa hle mahse June ni 17, 2015 khan Leicester City chuan an contract a tihtawp sak thu a puang ta a ni.

Leicester City chuan thuchhuah siamin,"Leicester City hian an player te leh Leicester khua aiawha ding an ni tih an hrechiang a, Premier League leh Football Association zahnawmna kengtu an ni tih pawh an hai lo.

"Mipuite hnena thil tha thlen tur leh chhungkua leh intluktlanna ngaisang a, club zahawmna vawng nung zel tur kan ni a, he thil chungchangah chhui chianna kan neih hi kan thutlukna bak kan sawi chhunzawm dawn lo a ni," tiin.

Video Hetah : (WARNING : Kum 18 hnuai lam tan en phal a ni lo. Tin, tawngkam thalo tak tak hman a ni bawk a) Click Here