Juventus in an chhuah zalen hnuah Sevilla chuan Fernando Llorente chu free transfer in an lalut ta a, kum thum daih contract an ziahpui nghal bawk.
Sevilla hian Llorente-a contract ah hian €20m lai buyout clause an dah nghal bawk. Llorente hian Seviila squad no 24 a ha dawna, vawiin khan medical test pawh a paltlang tawh a ni.
Kum 30 a upa Spanish striker hian Baskonia ah 2003 khan a professional football zinkawng a lo zawh tan tawha, Bilbao leh Juventus tan te pawh lo khel tawh thinin a hun tam zawk chu 2005-13 inkar khan Bilbao ah a lo hmang ral tawh a ni.
Season hmasa khan league ah Juve tan vawi 30 a start a, goal 11 a khung bawk. Llorente hian Juve ah hian kum hnih daih contract la nei mahse Mario Mandzukic, Paulo Dybala leh Simone Zaza te Juve in an lak thar leh tak avangin a tan hmun chan a harsa tawh dawn niin a lang ta a, Italian champions chhuahsan chu a thutlukna a ni ta a ni.
Real Madrid, Monaco, FC Porto, Manchester United leh Arsenal te nen pawha sawi zawm reng an lo ni tawh thin a, thla hmasa lawk khan Sevilla hian season hnih liamta chhunga an top scorer Carlos Bacca chu Milan lakah an chan tak avangin Llorente hi an bawh na ta ber niin a lang.
Unai Emery-a enkawl Seviila hian season hmasa a Europa League an chawi theih avangin tun season hian Champions League an khel dawn a ni.
(adsbygoogle = window.adsbygoogle || []).push({});