Tun weekend Serie A inkhelah champion lai Juventus an inlana, Juventus hian Allianz Stadium-ah Benevento lo mikhualin, si khat faiin mikhual lam Benevento hi an chak.

He inkhelah hian goal awmchhun hi 70mins dawna lut a ni a, Adolfo Gaich chuan Benevento chakna goal a khunga, Juventus hian Milan club hnih an umna kawngah point 3 pawimawh tak an hloh.

Serie A inkhel dangah AC Milan chuan Stadio Artemio Franchi-ah Fiorentina an tlawha, 3-2 in khual mualah AC Milan hian hnehna an chang.

Zlatan Ibrahomovic chuan 10mins khelh tlin a nih hma in Milan hi hma a hruaipuia, mahse Fiorentina hian hian goal an chhuah atanga minute sawm pawh a ral hma in an si phurh sutin, an goal hmasa zawk khungtu hi Erick Pulgar a ni.

Second half tir lamah Franck Ribery chuan mual neitu lam Fiorentina hi hma a hruaipuia, minute nga hnu velah Brahim Diaz chuan Milan goal hnihna khungin 2-2 a ni. 70mins chuang hret khelh a nihin Hakan Calhanoglu chuan Milan goal thumna khungin, 3-1 in Milan hi an chak ta a ni.

Sunday zanrei inkhelah Roma chuan Napoli mikhualin, Napoli hi 2-0 in an chaka, tun weekend khan league hmahruaitu Inter Milan an inlan lo a ni.

Khelh 27-ah Inter Milan chuan point 65 hlawhchhuak tawhin, pakhatnaah an awma, AC Milan-in an dawta, AC Milan hian khelh 28-ah point 59 an hlawhchhuak ve tawh thung. Juventus chu pathumnaah an awm  meka, khelh 27-ah point 55 hlawhchhuak tawhin, khelh zat inang chiahah Inter chu point 10 laiin an pha tawh lo a ni.