Paris khawpuia Ballon d’Or sem a nih lai khan Italy khawpui Milan-ah pawh Serie A award sem a ni ve a, Ballon d’Or-a pathumnaa thlan Ronaldo chu Ballon d’Or semna hmunah kal lovin, Milan khawpuia Serie A Gala-ah a kal zawk.

Ronaldo hian award a dawnna tur chiangsa lama kal a thlang zawk niin a langa, Serie A Footballer of the Year atan thlan a nih bakah Serie A Most Valuable Player (MVP) a tan thlan a ni bawka, Serie A Team of the Year-ah a tel bawk.

Serie A Goalkeeper of the Year atan Inter Milan goalkeeper Samir Handnovic thlan ni a, ani hian he award hi a vawi thum nan a dawng.

Serie A Gala-ah a vawi khat nan hmeichhe award sem tel a ni a, Roma hmeichhe player Manuela Giugliano chuan he award hi a dawng.

Serie A Coach of the Year-ah Atalanta manager Gian Piero Gasperini thlan a ni a, ani hian season hmasa khan Atalanta chu Serie A-ah pathumna nihpuiin  Champions League khel turin a tlinpui.

Serie A Referee of the Year-ah Gianluca Rocchi thlan a ni a, ani hian nikum khan he award hi a lo dawng tawh bawka, Serie B Best Young Player atan Brescia midfielder Sandro Tonali thlan a ni bawk.

Serie A Team of the Year-ah champion lai Juventus chuan player pali an thawha, thawh hnem ber niin Atalanta chuan player pahnih tawh bawkin a thawh hnem ber dawttu an ni.

Serie A Team of the Year:

GK- Samir Handanovic (Inter Milan)

DF- Joao Cancelo (Juventus/ Manchester City)

DF- Giogio Chiellini (Juventus)

DF- Kalidou Koulibaly (Napoli)

DF- Aleksandar Kolarov (Roma)

MF- Nicola Barella (Cagliari/ Inter Milan)

MF- Miralem Pjanic (Juventus)

MF- Josip Ilicic (Atalanta)

FW- Fabio Quagliarella (Sampdoria)

FW- Duvan Zapata (Atalanta)

FW- Cristiano Ronaldo (Juventus)